هذا أول موضوع ليا في هذا المنتدى ان شا الله يعجبكم وتجربوه
هذي الوصفة جبتها من قناة سميرة
المقادير
ّ
– 250 غ سمن ذايب وبارد أو مرغرين
– كيلو فرينة
– حبة بيض
– ملعقة صغيرة ملح
– ملعقة كبيرة سكر
– 1 خميرة حلوى
– ملعقة كبيرة خميرة خبز
للتزيين :
– حبات لوز في الوصفة لكن انا استعملت الكاوكاو
– نشا (مايزينة)
– عسل
– بيضة
التحضير:
– كيلو فرينة + معلقة صغيرة ملح+ م ك سكر+ 1 خميرة حلوى+ خميرة خبز+ نخلطوهم مليح و نخدموهم بالسمن
مبعد نلوح البيضة والما الدافي ونلم العجين ماتجيش طرية بزاف وماتجيش جارية بزاف
نحطوهم في الساشي
نخليها ترتاح على الأقل ساعتين ون الأفضل أكثر أنا خليتها 4 ساعات في الفريجيدار
بعدما ترتاح نحلها بالحلال بمساعدة النشا
وإذا عندك الماشينة أفضل وأفضل
صاحبة الوصفة دارت في الرقم 3 في المشنة ومبعد عاودت في رقم 1 باه تتخدم مليح العجينة وعاودت بالقنوط وبالنشا عاودت على رقم 2
نوجد بياض البيض تاعنا
نجيب المول تاع عباد الشمس
نشكل كل وردة فيها -3 كبار
– 1متوسطة
– 1 صغيرة
ندهن بالفرشاة الكبيرة الأولى بببياض البيض نحط الثانية وبنفس الطريقة نزيد الثالثة والرابعة والخامسة
بعدها نلصق بلوزة أو كاوكاوة في النص حتان أسفل الوردة
بعد مانكمل تشكيل نشعل على الزيت (تكون في مقلى غامقة شوية ومن الأفضل تكثري الزيت)
خليها تسخن مليح ومبعد نقصي عليها ولوحي الوردات بالوحدة باه ما يكون حتى مشكل
كلما تلووحي وحدة فرغي عليها الزيت بمغرف باه تتنفخ
هاهو شكلهم بعد ماتقليهم
خليهم يبردو مبعدا عسليهم بعسل سخون
هذي لكل وحدة ترد
شهية طيبة وادعولي بالذرية الصالحة
44444
أختي djamsidah لا ماتجيش معجنة لأنك قبل ماتكليها بالطابع رح تخدميها مليح مثل العجينة المورقة la pâte feuilletée
تجي تسخف
يعطيك الصحة حبيبة على الوصفة
تطبيقك ممتآآز
بصحآآتكم
ربي يفرحك ان شاء الله
حرت اسكو تعجن ولا لا
مي يعطيك الصحة حنونة
تاكلوها بالصحة ولهنا