المقادير :
صدر دجاج
علبة كريمة crème fraiche
كلغ بطاطا مقلي قطع صغيرة petit dés
4بيضات
جبن رابي fromage rapé
نحضر صلصة طماطم (نقلي بصلة جيدا +ثوم مدقوق لما يتقلي نضيف طماطم محكوكة +ماء اللي راح نطيبوا فيه الدجاج من بعد نزيد نفهمكم عليه االتوابل الملح الابزار يعني فلفل اسود سكين جبير قرصة قرفة )
جوزوا لطريقة التحضير :
أولا نرابي بصلة صغيرة و نرمي معاها الصدر ثم نقلي مليح و ندير معاه الملح فلفل اسود سكين جبير +ورقة رند +مااء نخليو الماء يطيب من بعد ننزع اللحم و نفتته و نرميه في الصلصة اللي قلتلكم عليها يعني لما نمرق نستعمل مقدار كاس صغير من مرق الدجاج و نخلي الدجاج يتنكه بالصلصة .
من بعد نجيب مول الفرن من الاحسن يكون زجاجي ندهنه بالزبدة ثم نحط طبقة من البطاطا المقلية قطع صغيرة ثم نسكب طبقه الدجاج بالصلصة ثم طبقة البطاطا يعني في المجموع 03 طبقات الاولى بطاطا و الثانية دجاج بالصلصة ثم البطاطا ثم نأخد مقدار كاس كبير من المرق اللي طيبنا فيه الدجاج و نسقي من فوق ثم نضرب 04 بيضات +4 معالق كريمة و نسكبها من فوق ثم ندخلها الفرن في 05 دقاءق الاخيرة نرس عليها الجبن ونخليها تتحمر لما تنضج نزينها بالمعدنوس .
ربي يبارك فيك
شكرا