طقوس يــــوم الخطوبة 2024.

الســـــلام عليــــــــــــكم….
أريد أن أطلب من عزيزاتي عضوات اللمة أن يساعدننــــي في هذا الموضوع و إثرائه…….. بأفكـــــار أو بتجارب قد مررنا بها شخضيا أو بعادات تخصهم عائلاتهم و منطقتهم….

أكـــــيد الموضوع يتعلق بيوم الخطبة..و ما يتعلق به من تحضيرات تخص الحلويات و الأكل الذي يجب أن نقدمه لأهل الخطيب، و مــا يجب أن تلبسه الفتاة في هذا اليوم و مــا يخص التصرفات و السلوكات التي يجب أن تتصرفها و الأخرى التي تبتعد عنها أمام أهل الخطيب، و أمام هذا الأخير في الرؤية الشرعية .…و ما يجب أن يقدم لأهل العريس عند مغادرتهم…و تفاصيل أخرى…. و كـــل هذا من أجل أن يأخذ الخطيب و أهله إنطباع جيد عن الفتاة و أهلها …و يخرجون راضين من غير منحهم الفرصة في الشكوى من سوء الضيافة …
أرجــــو أن ينال إعجابكم …….و يسنفيد الجميع و لنتعرف على عادات و تقاليد مناطق من الوطن و نأخذ أفكار و بصراحة سأكون أنا أول المسنفيدات…..و شكرا..

مبروك على كل المخطوبات و العقوبة للي ما زالو ,انا اول ما جاو للدار لبست قندورة خليجي بيديها و صندال و لبست ذهب سلسلة و مناقش و خاتم جبدت شعري و درت مكياج سامبل تصرفت عادي بطبيعتي , الاكل و الاطباق حسب عادات كل دار,درنا قهوة و مجموعة من الحلويات و شاي معاه مكسرات ,اما الهدايا انتي ومقدورك انا اهديت اب زوجي لباس تقليدى تاع الصحراء لان زوجي من ولاية اخرى ,اهديت ام زوجي قندورة وصابوها و ريحة وصابون وربي يهنينا كامل

حنا هنا فالصحرااا عندنا عوايد بلاك كيما عوايد بعض المناطق الجزائرية نهار يجو يخطبوا فالصباح يجوا الرجال نتاع دار الخطيب كيمانقولوا عندنا ( يقتلوا الكلمة ) من بعد الزوال يجوا نسا من اهل الخطيب يلبسوا الخاتم يجيبوا القاطو و الجهاز و الحليب و التمر بالطبع يبدوا بيه ، اما ام العروس تكون محضرة السفة و الحليب و القاطو مع الشاي اما الحلوى الكبيرة تكون مع المشروبات يبدا تلباس الخاتم ام العريس تلبس العروس الخاتم و تحنيلها يدها اليمين من بعد تشربها لحليب و توكلها التمر و تكمل بالقاطو و توري الجهاز لاهل لعروسة ، ان شاء الله نكون ما نسيت والوا باسكو كل واحد و عوايده و لعقوبة لجميع لبنات و ليا ان شاء الله هههههههههههههه و الله يكمل على عرايسنا بالخير

الســــــلام عليكم……………..
شكـــــرا لكن حبيباتـــــــــــي على المشاركة………
و أرجوا من البقية التفـــــــــاعـــل……..

وين راكم يـــــــابنـــــــــــــات اللمة؟
علاش مكانش نفاعل مع الموضوع…………

مرسي اختي على هذا الموضوع ولعقوبة لبنات اللي مازالو

هيا كملو عجبني

يا واش نحكيلكم انا في الفاتحة تاعي جاو واقيلا 200 ولا 300 عبد من عندهم و حنا معرضناش ياسر كي دخلو ماما خلعت جاو على 3 تاع لعشية شربولكهوة و تاي و قاطو درنا 4 انواع مزيا درنا بزاف كي كلاو كملو طلعو لصالون شطحو و ردحو مبعد هبطتني مرت خويا و اختها كي لحقت لسكليات في 2 اطاج جا راجليدخلني حقا الرجال كانو في الصالون ياكلو مبعد دارو اتلفاتحة كي كملو جا راجلي قعدت معاه صورنا و صورو اللي جاو معاه معانا حتى اللي دخت حقا قبل ما نهبط جات الصوارة و درت لي بوز حتى لي كرهت التصوار ياسيدي دارلي الخاتم و انا تاني التبهديلة كي جيت نركبلو الخاتم طاح لقناه بالدراع قطعنا لطارت وكلنا بعدانا و شربنا جي وبكي جيتا نحنيو دخل خويا قالو روح تروح بزايد ايا حنينا وماما تاني حاوزتهم قتلهم بزايد مسكين روح زعفان رجعو نص لاطارت تاعهم بالطبع جيت فور لبست روب حمراء تسريحة باهية مكياج خفيف و الله محطيت روحي نكون كيما هاك فات و الحمد لله راجلي مزال يعايارني بماما و خويا كي حاوزوه 0………….