السلام عليكم و رحمة الله و بركاته
على بركة الله نبدأ
المقاديــــــر
دقيق – ماء – ملح – م ك طعام متوسط
الطريقــــــة
نمزج الملح مع الدقيق
نحطو الطعام في قصعة كبيرة و نبداو نرشوه بقطرات ماء و ملعقة دقيق
نحاول نحسر العمل في البداية على جنب القصعة باش ما يكثرش العيش و نحصلو
يكون المزج بطريقة دائرية
قبل ما نزيد الدقيق لازم كل مرة نبرمو العيش
باش في الطياب ميتحلش
كل ما يكبر العيش كلما نزيدو في كمية الدقيق و الماء و هكذاااااا إلى ان نصل للحجم المراد
آخر خطوة نبرموه بششششويا فرينة نغربلوه من اي طرح (دقيق)باقي
الطرح لن يكون إلا قلة قليلة أو لايكون بالمرة
نفوروه … و بصحتكم
تمنياتي اني وفقت في الشرح
العيش هنا أغلظ
تحياتــــــــي
يعطيك الصحة رغودة حتى البركوكس وما طلقتيه ههههه
heer:
كاين الي يسموه العيش نفس طريقتنا للفتيل
بصحتكم
نعرف نفتل البربوشة
بصح العيش جامي سييت نتعلمولازم نجي ليك لالدار
ونتعلمو على المباشر
|
ly: مدام تعرفي للفتيل آلاء عندك علم بالدقيق الطراح
و الدقيق الكرباع
و الدقيق لي يمكر ميحبش يطلع :crying_1:
كما ديال اليوم مكر فيا بسيف ما طلعت الحبات
أنا وصلت لحد … قلت أيا بركات سي فينــــــي
chmoll:
و غلظت شويا على عيونكم الحلوين يا حلوات
|
ننشر اكلاتنا التقليدية و نخليها طابع دزيري في النت
heer:
دمت يا غالية
|
العيش باش ينجح معاك تكون من البدايــــــــــــــــة
لازم تركزي في طريقة تحريك الدقيق
لازم تكوني هادية و صبورة
إذا كانت الانطلاقة موفقة منبعد كربعي و عينك مغلوقين
|
|
انا ملي تزوجت عجوزتي تقولي كاين المحمصة متكسريش راسك نقولها في قلبي هنيتيني من الفتيل ههههه
انتي اليوم درتي البركوكس انا اليوم وجدت عجنة غدوة نشمر على يديا ندير الرشتة نوجدها للمولد النبوي الشريف الا كتب ربي هات برك ميديرهاش بيا سميد كيما انتي هههههه