السلام عليكم بنات المطبخ اللمـــــاوي
ان شالله تكونو كااااامل بحاسن حال
اكيد انتم باحسن حال خصوصا بعد رجوع اللمة
في غياب اللمة طيبت بطاطا بالفرن بطريقة الصراحة جديدة عليا وعجبتهم بزاف وعادو دوما يطلبوها
على هدا حبيت نشارككم بيها خصوصا انها خفيفة ومليحة ومشرفة في نفس الوقت
حبات بطاطا حسب العائلة
دجاج تاني حسب العائلة الموجودة
بصلة
حبتين طماطم
كسبر اخضر
ملح فلفل اكحل
زعفران
فلفل احمر وكسبر مطحون
ثوم
زبدة
في طنجرة نرحيو البصل نضيفولو الطماطم المرحية الملح الفلفل الاكحل الثوم الفلفل الاحمر الكسبر المطحون ونقطعو نص ربطة كسبر اخضر والقليل من الزيت
نخليوهم شويا يغليو مع بعض
ونضيفولهم بعد دلك طراف الدجاج نخليوهم شويا يتحمصو ونمرقيو شويا برك لانه الطماطم والبصل والدجاج رح يزيد يطلق الصلصة نتاعو
لنغلقو الطنجرة ونخليو الدجاج يطيب
بعد ما يطيب ننزعوه ونحطوه بجنب
ونحضرو تتبيلة الدجاج والبطاطا واللي هي
نص ربطة الكسبر اللي بقات مع طرف صغير زبدة مع القليل من الزعفران ملح فلفل اكحل ثوم وشويا زيت
نخلطو هاذو مع بعض وبعد ما نكونو نحينا طراف الدجاج نمرروهم في هذي التتبيلة
نرجعو للبطاطا بعد ما نكونو نقيناها وقطعناها دوائر يكونو ملاح ماهم كبار بزاف ماهم صغار
نلوحوها في المرق اللي طاب فيه الدجاج باه تكتسب البنة نتاعو
نغلقو عليها قليلا يعني مدة 8 او 10 دقائق
بعد ما تطيب قليلا نزيدو ننزوعها من المرق ونمرروها في التتبيلة اللي بقاتلنا
ونسدفوها في البلاطو
ندخلوها للفرن مدة تقريبا 10 دقائق الى ربع ساعة جهد ما تتحمر ويتحمر الدجاج
وننزعوه
نقدموه مع شرائح الليمون
والصراحة تجي بنينة بزاف
في الاخير نتمنى انها تعجبكم وتجربوها
ونرجع نوصيكم ما تضحكوش عليا
اذا حبيتو تنشفوها وتقدموها بجنب البطاطا
او تحبو تخلوها ومرة اخرى تستعملوها في مرق لوبيا او شخشوخة او نقطعو خضار ونحطوهم يطيبو فيها
يعني نقدرو نحتفضو بيها
يم يام يااااااااام
جابتني ريحة طيابك الزين والله توحشت تحطيلنا
مواضيع في الكوزينة وشكون هذي لي تقدر تضحك على شيفتنا الصغيرة
والله ياعفوفة قبل مانكون عضوة وكنتى تحطي
موائدي رمضانية
والقاطوات
كنت حاطتك وحدة كبيرة بولادها
بصح نهار عرفت قدش عمرك تشوكيت
راكي مرة ونص تصدري عرس وحدك
ربي يحققلك لي في بالي بالك
احبك فوفتي
اااه نسيت الموضوع الرسمي جاتك تهبل محمرة ومجمرة 10/10
وعلى قولة عفوفة 3 راكي مرا ونص و25 هههه والله على حساب طيابك نعطيك 60 سنة
60 سنة خبرة وفحالة وقفازة ههههه مانيش نهرب في العرسان :music_whistling:
يعطيك الصحة يا بوحامد
heer:
|
hiny:
|
ربي يبارك فيك عفوفة والله حشمتيني
hay:hay:نتمنى انك تجربيها وتعجبك
ربي يخليك حبيبتي ولا يحرمني من كلامك الطيب
|
|
اويلي 60 كامل درك اللي كان عينهم يوليو يهربو :blink::crying:
يا جماعة راها تحكي على ماما قاتلي خرجتي كيما ماماك اللي عمرها 60 سنة طيابة:yaw:
ايا مليح كي صححتيها
مشكورة لمرورك يا ارزقي نورتي حبيبتي الغالية
يمكن غدوة نعملها
دوريها ماكلة نتاع ريجيم باش نوصلو لل48^^
|
الله يسلمك حبيبتي وهيبة
ايه جربيها واعطيني رايك
اصبري على الماكلة نتاع الريجيم لازم ننقصو عليهم نوليو 40 شكارة دقيق وشكارة فرينة :rolleyes:صغيرة*.*
منورة حبيبتي روزhiny:
يعطيك الصحة
لصوص لبقات جمري بها الروز لميحبش البطاطة ياكل الروز مع الدجاج
شوفتي
الخبرة وين هههههههههه