جبتلكم طبق شفتو فقناة سميرة دايما غير نشوفو برك حاجة مانطبقوها
امالا درت القلب وجربتو
طاجين قرنون بطريقة مختلفة للتغيير
يبان فيه بزاف مراحل لكن يستاهل التجربة
ان شاء الله يعجبكم
المقادير
اطراف دجاج
شوية لحم مرحي
2جزر رابي +حبة مقطعة دوائر
1كورجات رابي+حبة مقطعة دوائر
بصلة رابي+حبة مقطعة دوائر
ثوم
جلبانة
روز مغلي
حبة بيض
قرنون
معدنوس وجبن مبشور
بالنسبة للتوابل
فلفل اكحل+زنجبيل+قصبر مرحي+راس الحانوت+كركم+قرفة
هاد الطبق فيه مراحل
المرحلة الاولى
ناخد الخضر الي رابيناها الا البصلة نحطو نصف الكمية والكمية الاخرى للحشو+ثوم فلفل اكحل+قصبر مرحي+زنجبيل+ملح نخلوهم يتقلاو في الزيت حتى تذبال الخضر.
من جهة في مقلة اخرى نحمر اطراف الدجاج زيت+فلفل اكحل+قصبر مرحي+زنجبيل+كركم
المرحلة الثانية
في كوكوت نحطو الخضر الي قطعناها دوائر نبداو فالقاعدة بالبصل ثم الجزر ثم القرعة +جلبانة ونحطو فوقهم الجاج الي قليناه
المرحلة الثالثة فيها الحشو
الخضر المقلية +نصف الباقي للبصل الرابي نضيفولها شوية روز مغلي+جلبانة +لحم مرحي+جبن مبشور+معدنوس+فلفل اكحل+ملح+قرفة+قصبر مرحي+زنجبيل+راس الحانوت ونلمو الحشو بحبة بيض او اقل يعني حسب حجم الحشو نتاعك
ثم نحشو حبات القرنون الي نكونو نقيناه من قبل ثم نمسحو الحبات ببياض البيض باش ماتنحلش الحبة كي طيب
ونستفوهم فالكوكوت
المرحلة الاخيرة هي المرقة
في صحن نحطو الماء+ملح+ثوم+كركم+فلفل اكحل+زيت الي قلينا فيها الجاج نضيفولها شوية ماء نخلطو كلشي ونمرقو بيها الكوكوت مارحش تغطي جميع المكونات غير شوية برك قيس مايطيبو ونغلقوها مدة حوالي 25د حاولي انو القعر نتاع حبات القرنون يمس المرقة هكدا باش يطيب
برافوو عليك طبق وعليه الكلام
من أحسن الأطباق لدى
بــارك الله فيك شهيتينا ^^
مشكورة ومع أكلات قرنونية اخرى ان شاء الله
يعطيك الصحة شهرزاد
فحلة ربي يبارك
الله ابارك على ذوك اليدين
يعطيك الصحة
السلام عليكم
نحب بزاف القرنون
شكرا