بما ان شهر الرحمة و الغفران على الابواب اردت ان نساهم جميعا في هذه المساحة
فليشارك كل واحد منا بذكره ماتتضمنه طاولة الطعام في رمضان الفطور و السحور
واهم الاطباق التي يمكن ان يتناولها الصائم الجزائري من مختلف الولايات
وانا سابدا:
بما انني من ولاية مستغانم نديروا فالفطور طبعا اولا الحريرة او الشوربة مع اما
(الزيتون،اللوبياء،الجلبان،صيني ة البرانية….) كطبق رئيسي مصحوب بطبق جانبي دولمة حوت
او معقودة البطاطا و السلطة المشكلة مصحوبة بمملحات والحلو (برقوق)
اما السحور اما طعام (كسكس) مع اللبن او الرائب او سلطة او قهوة مع شامية او فلان
هذه عموما المائدة المستغانمية ارجو ان تعرفونا على موائدكم…
بصح ماكلا ماشي مهمة انشاء الله يكون صيام مقبول الى كل مسلمين والمسليمات
نحنا في قسنطينة أكيد اي عائلة قسنطينة تكون مايدتها مميزة
المقبلات (سلطة متنوعة -بوراك-حميص…)
و بعد هذا أكيد جاري (شربة) مصحوب مع طبق رئيس كطاجين الزيتون -المثوم-دولمة-كفتا-العصبان القسنطيني….)
ويوجد شبح الصفرا وطاجين العين ورفيس
واليوم السابع والعشرين من رمضان نعملو شخشوخة قسنطينة -تريدة -رشتا
وفي سهرة قهوة -شاي مع الحلوة الشامية والحلويات بقلاوة-قطايف…
وفي سحور فلان أو محلبي او مسفوف كسكس
وبارك الله فيكي أختي على الموضوع وهيك كل واحد يدخل ويكتبنا شو يعملو برمضان لتكون لنا فكرة على تقاليد الجزائرية
دمت بخير
احنا في مدينة سكيكدة الطبق الرئيسي لازم لازم الجاري او ما يعرف بالشربة فريك +الطبق الثاني اي نوع اما طاجين زيتون او كفتة او اي شيء اخر +السلطة لازم لازم+نهار البوراك ونهار بيزا بالاضافة الى المطلوع وفي اول من رمضان نحضرو طاجين البرقوق هي عادة تاع الجزائر العاصمة واخديناها عليهم صراحة هده اطباقنا في منزلنا
نشكرك اختي على هذا الموضوع لي يفتح مجال للتعارف بين الولايات الجزائرية.بما انني نسكن غير حداك في غليزان فما كانش اختلاف في مايدة الفطور نديرو الحريرة البرقوق او الزيتون البراينية كيما قلتي واكيد السلاطات المتنوعة و مننساوش الديسار فلان الشامية و الزلابية.
صح رمضانكم