ركن الحمل والولادة 2024.

سلام عليكم ياريت اللي عندها الخبرة جاوبني

عندي شهرين ملي ولدت كنت رضع طبيعي لكن هدو يومين نقص الحليب بزاف
مع العلم راني ناكل في مارسيلون

راني نشرب في تيزانا المدرة للحليب حبوب مدرة للحليب تيزانا الكسبر
ومافادش وناكل كل شي حتى وزني زاد بزاف
ربي يجازي كل وحده تنصحني

السلام عليكم اختي والف مبارك والحمد لله على سلامتك
حبيبتي متتسرعيش وتنحي الرضاعة الطبيعية لابنك وهذا عن تجربة المهم ابقاي تمدي الحليب لابنك لانه كل ما يجبد الثدي الحليب ينزل يمكن راكي تمري بظروف نفسية على بيها نقص الحليب والا شفتي ابنك ميشبعش والحليب مكانش من الاحسن تشوفي طبيبة وربي يسهلك

سلام
شكرا ام صلاح وام منصف عاى الرد
راني في النهار نرضع طبيعي لكن في الليل قرعة

حذاري يا اختي مارسيلون يتمد للام اللي ماترضعش لانو مش مليح كي يفوت مع الحليب ويرضعو الطفل
شكون نصحك بمارسيلون ؟ لانو مايتمدش للام اللي ترضع
ارجعي للطبيبة وهي اللي تعطيك دوا مانع للحمل ومايضرش البيبي

سلام مبروك عليك وان شاءالله يتربى في عز والديه

و شكرا يا اخت ندى رغم انك نافس جاوبتيني
ما كنتش عارفه بلي ضر لان الصيدلي قال لزوجي بلي راعي ما ضرش وحتى الطبيبه عطاتهالي
ببنتي الاولى

اشربيsulpiride
هو يزيدلك الحلييب كاين ساشيات وكاين سيرو

سلام
شكرا اخت
لكن حسب معلوماتيsulpiride
يفتح الشهية وانا مشكلتي بعد ما وفيت الاربعين تفتحت شهيتي بشكل غريب
وزدت في الميزان من 70 الى 80 كغ
المهم جازاك الله انك جاوبتيني

اختي مدام تأخذي في حبوب منع الحمل
سي نورمال ينقص الحليب
حاولي انك تعودي ولدك يرضع بزاف من صدرك على الاقل 6شهور حتى يكتسب المناعة
ننصحك بزيت الحلبة 7 قطرات في كاس حليب وشربيها انا كنت نشربها ورضعت ابنائي حتى 18 شهر