واش راكم ؟ إن شاء الله بخير
اليوم جبتلكم تارت لذيذة جدا بالبرتقال، مادام مازال مافاتش وقت البرتقال غير بروفيتيو و جربوها
نبدأ على بركة الله
Miroir aux oranges
هي عبارة عن 3 طبقات :
الطبقة الأولى :
2 بيض
3 م ك سكر
6 م ك عصير برتقال
6 م ك فرينة
6 م ك زيت
1 خميرة
فاني
في الخلاط، نخلطو البيض و السكر و الفاني جيدا ثم نضيف الزيت و عصير البرتقال و نحرك ثم الفرينة و الخميرة و نخلطوهم مليح حتى يتجانسو، ندهن المول تاع الكيك ( أنا استخدمت القالب لي يتفتح ) ، ندخلها طيب في الفرن يكون سخون من قبل، كي طيب نخليوها تبرد تماما
الطبقة الثانية : عبارة عن كريم باتيسيار
نصف لتر حليب
صفار 2 بيضات
3 م ك سكر
2 م ك نشاء
فاني
قطعة زبدة
نسخنو الحليب مليح، و نضيفولو السكر و النشاء و الفاني لي نكونو حليناهم مع البيض و شويا حليب و نصبوهم فالحليب و نخليوهم على نار هادئة حتى يعقدو، نديرولهم قطعة الزبدة و نفرغو الكل على الطبقة الأولى لي تكون بردت تماما و نخليوهم يبردو فالثلاجة
الطبقة الثالثة :
نصف لتر عصير البرتقال
2 باكي فلون فاني
2 م ك نشاء
3 م ك سكر
نخلطوهم مع بعضاهم و نحطوهم يطيبو على نار هادئة و كي طيب نفرغوها على طبقة الكريم باتيسيار و نزيدو نبردوها مليح
بالنسبة للتزيين كل واحد و ذوقو، أنا كنت مزروبة حطيت طراف تاع برتقال و خلاص
هذا الشكل النهائي
جاك روووووووعة بصحتك
|
الله يسلمك شوشو
عفواً، مارسي عليك نتي يا أستاذة
|
الله يسلمك
مارسي ختي 
بوركتِ حبيبتي
أكيد طعمها يجنن
وصفة جميلة واكيد بنينة يعطيك الصحة هدى
بصحتكم أختي
|
الله يبارك فيك أختي
شكرا ع المجاملة
جربيها و ماكيش رح تندمي ان شاء الله