أهلينـ صبآيا إنْ شآء الله تكونو بألفـ صحّة وعآفية
أسمحولنآ طوّلنا عليكم شوية
في تحضير العدد الثآنيـ
وهذا لظروفـ
اليومـ خيّرنالكم sujet يخصـ المرأة
يعني صفة مش مليحة
في وقتنا هذا كاينين بزااافـ نساء يتصفو بيها وعادت ظآهرة عادية
وما نستغربوش كامل منها نظراً لانتشارهآ
حاشآ البعض.
واللّيـ هو
المرأة اللي ترفع صوتها
ومحبوبة من كاملـ الأعضاء لطيبتها و حسن معاملتها مع الأعضاء
ملكًة الاحسآس
:: مشرفة ::
منتدى عـالم المرأة
أهلاً بكـ معانآ ومشكورة على قبول الدّعْوة
|
|
|
|
ميسآء ردّتــــــــ على الموْضوعـ وشاركتنا برأيها
راحْ تشوفو الرد نتاعها والكلام القيّم اللي قالتو.
|
|
على كلامكـ الحلو
كلماتكـ كانتـــــ في الصّميم
إنْ شآء الله يكـون عجبكم الحديث صبآيا
وكلْ واحدة ترفع صوتها لازم لازم تعاود حسابها
وتراجع نفسها لأنها هي امرأة ناعمة و رقيقة كيما قالتـ الأخت ميسآء
والصوت المرتفع ما يتناسبش معاها
والمرأة بطبعها تتميّز بالحياء
ومن الحياء غض الصوت خاصة أمام الرجال … مهما كانـ السّبب
ماتفقديش من قيمكتـ وترفعي صوتك قدّامـ زوجك ولاّ خوكـ ولاّ عايلة راجلكـ
لأنهم هوما يعودو يبغضوك مهما كآن الدافع اللي خلاّكـ ترفعي صوتك.
في الأخير نخلّيكم مع هاذي الكلماتـ
كوني انثى بحياءك وأخلاقك وتمسكك بدينك ...كوني أنثي بعفتك وحجابك....كوني أنثي بانخفاض صوتك ...فأنت جوهره اختي الغاليه... لايستحقها الا من عرف قدرها ...كوني لؤلؤه قلبها أبيض والحياء صفتها...والاخلاق عنوانها ... فالاساس هو الحياء والدين ..…
نتمنّى يعجبكمـ الموْضوعـ
وشاركونا بآرائكمـ
أو إضافات تحبّو تزيدوها
أحكولنا رانا نستناوكم
هيّا سلام وتهلاّو في ارواحكمــ.
الموضوع من إعدآد وتقديم :
FATIMA 19 و mlina4algeria
تصميم : ¬Đỉaмơŋđ ✿
برعـــايــة :مجموعة عالم المرأة
شكرا جزيلا على البادرة الطيبة،
وعلى مشاركتكِ المثمرة أخيتي’ملكـة الإحساس’
وبالنسبة للموضوع هذه المرة،فهو فعلا حسّاس ،
ويتطلب توعية كبييرة من قبل الجميع،
لأن المرأة التي ترفع صوتها في الطريق العام،
سواء اثناء مكالماتها الهاتفية ، أو تحدّثها مع رفيقاتها ،
أو حتى مع الباعة-عياذا بالله-،
فهي قد تخلّت عن أنوثتها أولا،ثمّ إنّها خالفت شريعة ربّنا’جلّ في علاه’
الذي أمرها بالتستر والإحتشام وخفض الصوت وغض البصر،
الأمر يحتاج للكثير من التفصيل والحديث ،
سنحاول العودة إن أحيانا المولى،
بارككنّ الرحمن ونفع بكنّ
بوركتِ غلآتو على الطرح القيم
موضوع جد حسآس نتمنى من البنآت يشآركونآ آرآئهن
ـ وهديكـ مولآت الكآميرآ كآشي وينهآ فالموضوع ولآ تعرف غير تهبل الغآشي هه ـ
بانتظآر آرآئكن يآفرآشآت
كل الشكر لكم على المبادرة الاكتر من رائعة
وكانت مشاركة اختي ملكة الاحساس رائعة
احكيلي على المْرا اللي ترفع صوتها سيرتو قدام المحارم ولاّ أهلها
واش رأيكم فيهم؟؟؟
فعلا اصبحت المراة ترفع صوتهــآ
اينــمــآ كانت خاصة في الشارع
صح وعادت عندها شيء عادي
ماتحترم حتى واحد
وكاين لي هي هكدا طبعها هكدايا
وكاينة تانيك الي تحب تبين شخصيتها برفع الصوت لجدب الانتباه
و اكيد اي انتثى تتميز باشياء عديدة
وخصوصا صوتها
ممكن يكون ضعف إايمان وممكن قلّة التربية ؟
انا تبانلي ضعف الايمان و قلة تربية
مي المراة الي تكون متربية و ايمانها قوي
ماديرش هد العفسة باسكو تبقى تخمم
لها بزاااف واشنو هو الصح و لا الخطا هدايا على حساب راي
ممكن مواقفـ شفتيهم قدامك قوليهملنا ؟؟
كاين بزااااااااااف مواقف
نحكيلكم على العروسة الي تعرف صوتها على حماتها
مالغي يقولو الحماة في بلآصة الام
مي دوركايا ولآت العروس هي الي ترفع الصوت عليها
وتحساب روحها راهي الدير حاجة مليحة
انا نقول للانثى التي ترفع صوتها
كوني رقيقة في كلآمك
و في تصرفاتك
وحتى في لحظات غضبك تحكمي في اعصابك
و ماترفعيش صوتك
باسكو قبل ماتخمي ترفعي صوتك
تفكري يمــآك الي تعبت في تربيتك
منوراتــــ بكلامكن العطر
اسمحلوليـــ ماقدرتشـ نرد عليكمـ
مي رانيـ قريتـ مشاركاتكم كاملـــ
|
مام الناس يبغضوها ويعتبروها واحدة قليلة أدبــــ
وفيك بركة مشكورة على الرد
|
مشكورة مرّة أخرى كي شاركتينآ
|
المهم المرأة لازم تاخذ حذرها وما ترفعش صوتها لأنو الناس رايحين ينبذوها .
مشكورة على هاذوك الكلمات اللي يدخلو القلبـــ
|
صح كاينين بزااااااااااااااف مايحترمو حتى واحد مام والديهم ويرفعو اصواتهم
والله عيب كبير كيفاه يحوسو الناس يحترموهم و الله تحيريي
مشكورة نتي ثاني على الرد.