حكآيآت بنآت : العدد الثآلث 2024.

اقتباس أهلآ إيمآن منورة بموضوعك الخطير المرة هذي

لازم يكون خطير بدينا ندخلو في الصح

اقتباس وكي وصلت للجآمعة هآجت خلآص الطفلة رجعت مآ تتحكمش

شفتي لي غالقين عليهم كيفاش يخرجو psqكلشي أنتاغدي طفلة تولي مخنوقة ماشي شايفة دنيا كي تخرج تخلعها تتكلخلها تعاشر بالمليح بالدوني

اقتباس عيآ خوهآ ضربهآ بكرسي لوجهآ مي وآلو , النهآر لي بعدو تعآود تدير لي تضربت عجآلو

الضرب ماينفعش معاها سيختو كي توالفو هدي لقات لي يربيها ولي سمحو فيهم دارهم الزنقة ماتلمش

اقتباس وكآين أنآنيآت يغلطوآ يحبوآ لبنآت الكل تغلط كيفهم , بآش وحدة مآ تبقى خير عليهم بآش وحدة مآ تبقى خير عليهم كيدهن عظيم

شحال من وحدة تكدب على دارهم وتقولهم
نريـvـزي وتلقايها هايمة amieتاعها علمتها الكدب حتى تولي مصدر الشر لصحبتها بعدما تحولت من بنات متربيات لpـخوفيسيونال في التدخين الكدب

اقتباس وعلآبيهآ الوحدة إمآ تعرف شكون تخآلط إمآ مآ تخآلطش ,

في هاد الوقت مابقات قيمة للصحبة قبل ماتخالط تعرف جوهر طفلة

اقتباس وكل وحدة فينآ عندهآ صديقة مقربة عآدة مآ تكون من الطفولة , الأفضل تشد فيهآ ومآ تبدلهآش لأنو لي تعرفهآ من وقت البرآءة

ماشي لازم تكون من الصغر لقينا صحابات جدد وتلقاي ديما تنصحك وتمدلك الرأي لي يبكيك باغسكو خايفة عليك اما لي تمدلك رأي لي يضحكك تعرفيها تخدع فيك

اقتباس في اللخر نقولك مغسي إيمآن على الـ topic ,

تعيشي حبيبتي درنا لي علينا وانش ءاالله يستفادو غيرنا
الله يبعد علينا بلاهم ومايشوفنا في صحبة كيفهم
****

اقتباس موضوع اخطر منلي فاتو يعطيك الصحة ايمانو

تعيشي حنونة وبمناقشاتكم يولي اخطر

اقتباس *************** الخلطة وماتدير في لبنات يجرو على بعضاهم وسيرتو كي يشوفو وحدة عاقلة وبنت ناس يحبو يفسدولها عقلها بسبة الغيرة .

هدي اكيــد لازم تولي كيفهم يحرموها عليها مدام هوما فسدو لازم يفسدو لبنات لوخرين معاهم
كاين مقولة "المرأة تفسد المرأة كالأفعى تبث السم في الأفعى "

اقتباس عاشت معاها وكلشي زي لخواتات

دارت فيها الخير اكيــد تكون خداعة وترجعو بالشر

اقتباس ماش تزيد تعرفها بأختها وعادو في 3 صحابات وتطورت العلاقات بيناتهم حتى هادي الصديقة لي دارو فيها الخير واش تدير ؟ تلعب على راجل أخت صحبتها راح طلق مرتو واتزوج بيها هي

سا سي gـغاvـ وين وصلنا بالخديعة هوما عاملوه كأخت والخير تاعهم نوغمالمون ماتنساهش مدامها حية في وقتنا مانديروش الخير وننساو نديرو لامان في الناس

اقتباس يعني دارت فيها خير وعرفتها بأختها شوي هي دارت براجلها وداتو وخلاتهم حايرات. واش داهم يخالطوها كي عادت هك .

هوما وين على بالهم مساكن مدامهم متربيات ع الاخوة ولحنانة عمبالهم ناس gـاع كيما هوما خليفتهم على ربي وتوصي للجاية باش مايديروش لامان في لي جات

اقتباس ************ نصيحة: يالبنات اعرفو شكون تخالطو مليح وشكون تصاحبو صحبتك اليوم غدوة راهي تتحول عدوتك كون يصرا مشكل صغير بيناتكم تحيكلها أسرارك تروح تنشرها وادا كانت سيئة تروح تحرفها وتنشرها

بازيلي عليها بزاف غير تداربو على اتفه حاجات راح تفضحك وديرلك ليبروبلام

اقتباس قادرة تصاحبي وحدة وتتخدعي فيها وترجعلك ندامة من مباعد ربي يبعد عليكم الشر ويحفظكم .

اميــن حنونة

*********
مالحكايات اللي سمعتهم على رفيقات السوء واللي يشيبو راس الطفل الصغير
على وحدة كانت مع لبنات تع لاسيتي وهي انسانة متدينة
كانت فالأول تنصحهم يبطلو وش قاعدين يديرو من صحبة رجال لسهرات لتعاطي المخدرات ما نفعتش معاهم
مبعد بدا يجرجروها معاهم خطوة خطوة وهي في حسابها راهي مش رايحة تتمادي
وحد النهار شافت وحدة من زميلاتها فالسكن في وضع مخل مع واحد فالسيارة راحت شكات بيها
ايا هديك الـ (……) ما نساتهالهاش، وحرشت عليها جماعة من أمثالها يفتقرو لريحة الرجولة
اغتصبوها = قضاولها على شرفها = حطمولها أحلامها = حرموها من حياتها
وتما جات هديك الـ (….) تتشفى فيها
لا حول ولا قوة إلا بالله
****
نزيد معلومة على وش قالت شوشو ونونو ونقول ديفوا الخلطة انتي تبعدي عليها وهي تتبلى عليك
كيما فالقصة اللي صرات لوحدة زميلتي، كنا نقراو كيف كيف فالجامعة
هادي الطفلة كانت هي اللولة فالgroupe ، علاماتهما ممتازة وكانت حاطة راسها في قرايتها وبس
وهي من بنات الاقامة وانا كنت نسمع بزاف بلي بنات الاقامة منحرفات مي كي عرفتها مليح لقيتها نعم الأخلاق
فالعام الثالث تحديدا توطدت علاقتي معاها (وختكم مينات انسانة اجتماعية )
وتغيضني كي نشوفها دور وحدها ايا كي نلقى روحي معندي والو نقعد معاها
حتى وحد نهار نلقاها تبكي قتلها وشبيك قاتلي دوك نحكيلك:
انا لعامين لي قبل كنت مع (س) و(ع) فلا شومبر وكنا b1 مع بعضانا
مي هاد العام بدلونا لاسيتي مطحتش معاهم طحت مع بنات (ولعياذ بالله)
تصوري يباتو ليل كامل يحكو مع ليجان فالتلفون
يفورميو نيمرو ميلينيوم عالزهر واللي يطيحو فيه ويعطيهم الخط
يحكيو معاه غير لحكايات اللي متشرفش
وكي شافوني (هي طبعا) خاطيني الشي هدا وياما نصحتهم حبو يطيحوني فالبياج
وحدة فيهم حكات مع واحد ومدتلو اسمي ولقبي وكل شيء عليا
جى لا سيتي يحوس عليا ودارلي مشكلة كبيرة وحطو فيا حوايج مدرتهمش
وصلت لحد الطعن في شرفي (وفهمكن كفاية) ووصلت لحكاية لأهلي
وبابا عيطلي قالي تجي تروّحي وحدك ولا نجي نديك بالسيف؟
ودوكا ملقيتش كيفاش نقنعهم بلي خاطيني !!
صراحة قلبي تقطع عليها
مي ممبعد الحمدلله لقات بنات شهدو معاها ودافعو عليها ولقاو دليل بلي الطفلة لوخرا لي دارتلها البروبلام
وكملت قرايتها نورمال مي والديها بقاو موسوسين جيهتها ايا العام اللخر اول واحد تقدم يخطبها قبلوه وهي كانت رافضة
وش نقلك من هديك لافير الطفلة تقلبت حياتها رأسا على عقب غير بسبة بنات ميخافوش ربي

أنا نصيحتي لبنات اللمة

جو سي كتبت جوغنال مي هادا كامل باش تعم الاستفادة
لأنو الموضوع اللي طرحتيه ايمانو حساس بزاف

اقتباس أهلا إيمانو وكامل لبنات

أهلين حبيبتي طولتي علينا عمبالي نستينا الحمد الله على سلامتك يازينة

اقتباس كيما قالت نونو وشوشو جبتينا بومبا مشي موضوع

ههههههههههه بومبا تترتق في وجه ولاد لحرام بربي يبعدهم علينا

اقتباس قبل ما نحكي وحد القصة خليني نعددلك أسوء صفات ((رفيقات السوء)) * هم بنات أكثر همهم الاستهزاء، حياتهم سخرية × سخرية و لهو × لعب

صح حياتهم تكون عايشين مطايشين ماعندهم حاجة غير تمصخير جايبينها في j men fiiiiche

اقتباس * يضلو فالأسواق ويقعدو غير فأماكن (الفسق والفجور)

pـلاستهم لتماك تلقايهم في هاد اماكن باش يصيدو ديـvـكتيم جدد

اقتباس * كلامهم غيبة ونميمة وفحشاء وتمزيق في الأعراض

مدام هوما خاطيتهم التربية وماعندهمش الحشمة اكيد يهدرو غير في صوالح بـــات تسناي منهم كلش
ان لم تستحي فافعل ماشئت

اقتباس * وتلقاي شرابهم الدخان والمخدرات

منحرفة واش تسناي منها غير الفسق وطريق لي تديها ماترجعهاش

اقتباس * ضحكاتهم توجور عالية واللي ينصحها تسيق بيه الدنيا

في هدي قستيها انتبهيلهم يكترو تمصخير والضحك سيختو في pـلايس
pــبليك وقدام ليجون زعما يخافو باش يبانو ويـaــاتيريو ليجون

اقتباس * عينيهم تعماو على رؤية الحق وقلوبهم ماتو

ماتو من نهار لي تبعو هاد الطريق كي وصلت بيها تنسى اخلاقها انا نقولها اقتلي روحك خير من حياتك في هاد دومان لي مايديكش لبعيد يجي نهار وين تندم

اقتباس * حياتهم كحياة البهائم، بل البهائم خير منهم، قال فيهم رب العالمين : {لَهُمْ قُلُوبٌ لَّا يَفْقَهُونَ بِهَا وَلَهُمْ أَعْيُنٌ لَّا يُبْصِرُونَ بِهَا وَلَهُمْ آذَانٌ لَّا يَسْمَعُونَ بِهَا ۚ أُولَـٰئِكَ كَالْأَنْعَامِ بَلْ هُمْ أَضَلُّ ۚ أُولَـٰئِكَ هُمُ الْغَافِلُونَ}

ومالدليل افضل من قول الله سبحانه وتعالى

اقتباس * حياتهم ماكلة وشراب ولعب ورقاد: {يَتَمَتَّعُونَ وَيَأْكُلُونَ كَمَا تَأْكُلُ الْأَنْعَامُ وَالنَّارُ مَثْوًى لَّهُمْ}

عجبتيني امونة درتيلهم تحليل شامل لصفاتهم vـريمون عندك الحق ماتلقايهمش عندهم صفة مسـgـمة ني مسؤولية ني والو راميين حياتهم الشي لي يهمهم دراهم في حاجة فانية مايخمموش بلي كاين ربي ونهار نتحاسبو فيه

اقتباس مبعد بدا يجرجروها معاهم خطوة خطوة وهي في حسابها راهي مش رايحة تتمادي وحد النهار شافت وحدة من زميلاتها فالسكن في وضع مخل مع واحد فالسيارة راحت شكات بيها ايا هديك الـ (منحرفة) ما نساتهالهاش، وحرشت عليها جماعة من أمثالها يفتقرو لريحة الرجولة اغتصبوها = قضاولها على شرفها = حطمولها أحلامها = حرموها من حياتها وتما جات هديك الـ (منحرفة) تتشفى فيها لا حول ولا قوة إلا بالله

سي بيزااااااغ تشوكيت قلبي تقطع عليها شفتي ماعندهمش درة حشمة كي قلتي ماعندهمش قلب صح كاينة منها انا نقولك هدي ماشي انسانة كيفاش مخلوق حساس رقيق يدير هكدا ويخرب بيوت كيما هي قبلت على روحها تمد شرفها للغاشي وصلت بيها تتعدى على شرف لبنات غيرها حرام عليها ربي يجيبهالها ان شاء الله

اقتباس **** ديفوا الخلطة انتي تبعدي عليها وهي تتبلى عليك : انا لعامين لي قبل كنت مع (س) و(ع) فلا شومبر وكنا b1 مع بعضانا مي هاد العام بدلونا لاسيتي مطحتش معاهم طحت مع بنات (ولعياذ بالله) تصوري يباتو ليل كامل يحكو مع ليجان فالتلفون يفورميو نيمرو ميلينيوم عالزهر واللي يطيحو فيه ويعطيهم الخط يحكيو معاه غير لحكايات اللي متشرفش وكي شافوني (هي طبعا) خاطيني الشي هدا وياما نصحتهم حبو يطيحوني فالبياج وحدة فيهم حكات مع واحد ومدتلو اسمي ولقبي وكل شيء عليا جى لا سيتي يحوس عليا ودارلي مشكلة كبيرة وحطو فيا حوايج مدرتهمش وصلت لحد الطعن في شرفي (وفهمكن كفاية) ووصلت لحكاية لأهلي وبابا عيطلي قالي تجي تروّحي وحدك ولا نجي نديك بالسيف؟ ودوكا ملقيتش كيفاش نقنعهم بلي خاطيني !!

يخاااااه ديزيستواغ بزاااااف يصراو في هاد cas وكلهم سبتهم رفيقات السوء شفتي وصلت بيهم لهاد تبهدايل ياك هي خاطية الطريق واش دخلهم في غيرهم لمسكينة هدي علاش يهدمولها في حياتها باشاعات مكاش منها هكدا مالــغي ماغلطتش في حقهم البلية كي تجي مكاش لي يشدها وهدي خدمة دارتها باش ترجعها في طريق الانحراف كيفها وتضيع حياتها غير في هد دومان

اقتباس صراحة قلبي تقطع عليها مي ممبعد الحمدلله لقات بنات شهدو معاها ودافعو عليها ولقاو دليل بلي الطفلة لوخرا لي دارتلها البروبلام وكملت قرايتها نورمال مي والديها بقاو موسوسين جيهتها ايا العام اللخر اول واحد تقدم يخطبها قبلوه وهي كانت رافضة

باغسكو كونفيونس لي داروها فيها دارهم تنحات لازم عليها تقبل وتعمر فلي قلبها صينو تخسر دارهم

اقتباس وش نقلك من هديك لافير الطفلة تقلبت حياتها رأسا على عقب غير بسبة بنات ميخافوش ربي

ايه مسكينة تكون تسوفري وغيرها حكايات بزاف تهدمت حياتهم بسبة المخالطة والبلى

اقتباس أنا نصيحتي لبنات اللمة – صديقات السوء هم اول طريق الانحراف – الفتاة في سن المراهقة تتاثر بصديقاتها كثر من تاثرها بوالديها ألوغ أطونسيون تصاحبي فتاة منحرفة ولو دقيقة خاطر الناس رح يعتبروك كيفها ولا اكتر – الحشمة والحياء هما صفات الفتاة العفيفة الشريفة ، فالحياء زينة للفتاة وتاج فوق راسها قال الرسول صلى الله عليه و سلم " ما كان الحياء في شيء الا زانه " ومن الحياء غض البصر اللي هو حماية للقلب وحفظ للجوارح – أطونسيون تغرك وحدة من صديقاتك بلبس الازياء المغرية واظهار الزينة فهي أول باب على طريق الانحراف لانو كاين بعض البنات يحبو ينعتو رواحهم بالزينة و الملابس ومحاولة لفت انتباه الشباب ليهم مي هذا يتنافى مع الاسلام و الاخلاق ألوغ انتي إيvيتي هاد الشي أي اخفي زينتك قدر الامكان فمن هانت عليها نفسها فهي عند الناس اهون ومن عزت عليها نفسها فهي عزيزة عند الناس وعند الله. – وفالأخير شوفي لثواب الخليلات والصديقات المتقيات، يوم القيامة يقول الله: {الْأَخِلَّاءُ يَوْمَئِذٍ بَعْضُهُمْ لِبَعْضٍ عَدُوٌّ إِلَّا الْمُتَّقِينَ * يَا عِبَادِ لَا خَوْفٌ عَلَيْكُمُ الْيَوْمَ وَلَا أَنتُمْ تَحْزَنُونَ * الَّذِينَ آمَنُوا بِآيَاتِنَا وَكَانُوا مُسْلِمِينَ * ادْخُلُوا الْجَنَّةَ أَنتُمْ وَأَزْوَاجُكُمْ تُحْبَرُونَ * يُطَافُ عَلَيْهِم بِصِحَافٍ مِّن ذَهَبٍ وَأَكْوَابٍ ۖ وَفِيهَا مَا تَشْتَهِيهِ الْأَنفُسُ وَتَلَذُّ الْأَعْيُنُ ۖ وَأَنتُمْ فِيهَا خَالِدُونَ * وَتِلْكَ الْجَنَّةُ الَّتِي أُورِثْتُمُوهَا بِمَا كُنتُمْ تَعْمَلُونَ * لَكُمْ فِيهَا فَاكِهَةٌ كَثِيرَةٌ مِّنْهَا تَأْكُلُونَ}

نِعم النصائح حبيبتي كفيتي ووفيتي الله يبعدهم عليك وربي يدوملك لعقل هكدا رايحة تفيدي بزاف بنات بديكونساي خارجين من قلبك

اقتباس جو سي كتبت جوغنال مي هادا كامل باش تعم الاستفادة لأنو الموضوع اللي طرحتيه ايمانو حساس بزاف

تعيشي حنونة درتي لي عليك واكتبي كيما تحبي المهم فادنا كلامك