3 كيلات فرينة
3/4 كيلة مارغارين ذايبة
1/4 كيلة زيت
رشة ملح
ماء دافي للعجن
نخلط المكونات ثم نتركها ترتاح لمدة نصف ساعة ومن بعد
نقسمها الى قسمين
نفرد النصف الاول في قوالب فردية ونثقبها بالفرشاة
ثم ندخلها الى فرن مسخن مسبقا 180 درجة
الحشو
نشوح بصلة مقطعة الى مكعبات في شوية زبدة + ملح + فلفل اكحل ثم نضيف لها اللحم المرحي ونتركه على النار حتى ينشف من الماء وفي الاخير نضيف معدنوس مفرومة + رشة جوزة الطيب
ثم نحضر البيشامال
مغرف ونص زبدة + 2 مغارف فرينة + ملح + فلفل اكحل + رشة جوزة الطيب على النار ثم نضيف لها الحليبو جبن مثلثات ونخلط حتى نتحصل على بيشامال عاقدة
لازم ماتكونش سائلة باش ماتتبلش العجينة
ونخلط البيشاميل مع خليط اللحم المرحي
بعد ماتطيب العجينة اللي في الكوشة نخليها تبرد
ثم نضع الحشو على التارتولات ثم الجبن المرحي
ثم نفرد القسم الثاني من العجينة بسمك رفيع جدا
وندهنها بالبيض ونرشها بالسينوج
ثم نعيد ادخالها الى الفرن ونشعل عليه من الفوق باش تطيب العجينة الفوقانية
وهذا شكلها بعد ما تطيب
يعطيك الصحة حبيبة
|
الله يسلمك داين
شكراا على المرور الطيب
جاوك هايليين نجربهم انشاءالله
الاولاد هذاك مايحبوا خير من مرقة
وااااااااااو تشهي تسلم ايديك يا حنونتي دائما تتحفيا باطباقك الرائعة
|
نوع من التغيير وثاني كيما قلتي الاولاد يحبوا غير الناشف
وهي نفس اللي درتها من قبل غير اللحم المرحي في بلاصة السلق
جربيها وان شاء الله تعجبكم
شكراا حكيك
|
شكراا سامية على المرور الجميل
تحياتي
|
وفيك يبارك عزيزتي ياسمين
انت المتالقة دوما بمواضيعك المميزة
تحياتي