تطبيقي لفوندون الشوكولا 2024.

اليوم حابة نساهم معكم بوصفة فوندون الشوكولا ونتمنى من كل قلبي تعجبكم
أولا يلزمكم :
5 ملاعق صغيرة زبدة

200 غ شوكولا " 2 شوكولا أومبسادور نوار"
تحطوهم فوق حمام مائي حتى يدوب الخليط
من جهة اخرى تخبطو بالفوي 4 بيضات مع كاس إلا ربع سكر
ومن بعد تضيفي الشوكولا الذائبة ببطىء مع الخلط ، تتحصلي على هذا المزيج
وأضيفي ربع كأس فرينة منخولة ودخليها في الخليط غير بلعقل بسباتيل
وزعي هذا المزيج على لي رامكان ديالك اللي تكوني دهنتيهم مسبقا بالزبدة ورشيتيهم بالفرينة
هذي الكمية من أجل 8 رامكان
ومن بعد دخليهم للفرن درجة حرارتو 180 درجة حوالي 15 دقيقة
وهاااااااي ليك النتييجة
وبالصحة والهناء نتمنى تكون عجبتكم الوصفة ديالي

الله يسلمك يا لحبيبة ، والله لحد الساعة راني ضايعة في مدينة اللمة الجزائرية

مممم يشهي يعطيك الصحة اختي

اله يخليكي يا ملاك .

مممم،، يشهو، يعطيك الصحة

اممممممممممممممم يشهو وخفاف بارك الله فيكي نجربوها بادن الله