مساء النور اخواتي انا حابة اعمل تجمع باش نستفيد من خبرات بعضنا ونطرح لو كان فيه مشاكل ونحاولوا نلقاو حلول وهذا كلوا من اجل قرة اعيننا وانا متاكدة بلي اي ام دير المستحيل باش تخلي اولادها احسن اولاد ورايحة نكون انا الاولى انا عندي ولد عمره 11 شهر حبيبي هو خديج تعبت معاه الشهورا للولين بصح درك الحمد لله بدا يحبي مهبلني ديما عيني عليه مدارش السنين لحد الان سقسيت الطبيبة قاتلي عادي اي استفسار انا حاضرة
|
ربي يحفظلك البوبون ويكبره بخير ان شاء الله
لا دآعي للقلق هآد الحالة تصرآ مع كامل لي بيبي
ممكن تعطيه catalgine 100mg
نتمنى التفاعل من الأمهات معك
أنا نشوف ولاد خواتاتي
الذراري الصغار شحال يغيدوني كيما يمرضووووووووو
ربي يشافيه وليدك ويكبر في عزك
|
يعطيك الصحة حنونة
|
عطيك الصحة على هديك حبيت نفتح هد التجمع لانو مفيد يخلينا نستفيدو من خبرات بعض ونحاولو نلقاو الحلول نلقى في منتديات اخرى واغلبها خليجيه تفاعل اكثر من ممتاز عاملين اقسام متعددة لكل ما يخص اولادهم قسم الامراض والعلاجات قسم مشتريات الاولاد قسم التطور الحركي والعقلي للطفل عجبتني الفكرة وحاولت نطبقها هنا وخصوصا انو منتدى جزائري يعني نفهمو على بعض لكن للاسف مكانش تفاعل حبيبتي \شكرا على المرور
واش احوالك واش حوال وليدك ربي يحفظو حبيت موضوعك لاني فكرت فيه من قبل
مبروك على وليدك السنينة تاعو لازم ديرينا الشرشم و لا انت ما عندكمش هدا العادة
انا بنيتي عمرها 4 شهر ديمة تبكي ندل حاطتها في حجري والفت الهزان مزال يديرلها المغص لاني نعطيلها غير حليبي حتى للشهر 6 ان شاء الله باه ندخللها الاكل
وانت وليدك واش تعطيلو حليب و ياكل و لا لا المهم زيدي احكينا عليه و ربي يعشنا وليداتنا كامل و يحفظهم و يرزق كل محروم امين يا رب العالمين
|
اسفة على التدخل حبيبتي
لكن اللي عنده معلومة ما يبخل بيها
اولا ربي يخليلك البنوتة الصغيرة ويكبرها في طاعتو ان شاء الله
بالنسبة للمغص اللي عند ليبيبي احيانا يكون من الحليب
وديفوا كيما نقولو الامعاء نتاع البيبي يكونوا ضيقين هاد الامر يسببله وجع
وتروح هاد الحالة بعد 6 اشهر يعني كي تبقي تعطيها الماكلة ترجع عادي
مآمآ توجور تحكيلي على هاد الامر باسكو مآم انا في صغري هبلتها بالمغص والوجع
سلآمٍي
|
مساء النور اختي الله يبارك فيك لعقوبة لبنتك الشرشم نعرفو انا تاني راجلي من قسنطينة يعني نتبع تقاليدكم بالنسبة للمغص ماوش حيروح حتى تبدا تكبر شوي بصح كاين لي يكالمي شوي هي تيزانة واسمها bio numero 8 \bebe calmante\ هي ماتنحيش المغص كليا ولكن تهدا وتريح الطفل شوي انا استعملتها والاكل دخلتهولو على 5 اشهر ونرضعو ونزيدلو حليب biomil لازم تدخلي لبنتك على الاقل رضعة في اليوم علابالي ماكانش قد حليب الام وبالاك تحبسيهولها ولكن لازم تاني تولفيها البيبرو باش ماتسوفريش كي تفطميها عن تجربة