عجبتني المسآبقــة وسبق وقلت رآيحة نشآركــ
هيآ جيت ندير مشآركتي ، حسبتوو غير أنتمآ عندكم موآقف
حتى أنآآ عندي ، أهآآآه اسمعووو بقى :
قآلكـ مآلآ كي كنت صغيرة كآنو عندي زوج جآرآتي سمية ونآدية
هدوو شريكآتي فاللعب
منين نقولهم هيآو نلعبوو يكونو وآجدين
وحد الخطرة وكمآ العوآيد عيطتلهم نلعبوو وكالعآدة حب يلصق فينآ
خو سمية الصغيريوسف وأنآ منحبوش بويسك
يبيع بزآآف وأي حآجة نلقآوه ماما مآمآ ، ولآ طاطا طآطآ 
وبالسيف لقينآله صرفه وزعنـآه 
، ورحنآ نلعبوو الدويرة ( بيت بيوت )
درنآ نادية العروسة وحبينآ نحنولهآ رحنآ جبنآ وحد الحشيشة اسمهآ حميضة
ومعروف على هدي حمآيضة كون تخلطيهآ مع الفحم وشويثح مآء تولي حمرآء
نحينآ غير النوآر تاعهآ ، وسمية دبرتلنآ فحم من دآرهم
حنينآ لنآدية ونزغرتوو حآلتنآ حآلة
وامبعد جآت في بآلي طـــق خآلتي زينب 
وهدي جآرتنآ كآن شعرهآ ديمآ محني ، قلتلهآ لسمية هيآ نحنيولهآ
حتى شعرهآ كمآ خآلتي زينب 
، يآخي فآقتلنآ نآدية نآضت ومآحبتش
انآآ صح جآتني ليدي تآع الحنة فالشعر وجآني وحد الفضول نحني شعر
كآش وآحد ، أروآح انت دوكـ ونحيهآلي 
تفكرت يوسف خو سمية وهو كآن شعره كوp كآسكيط أصفر كي شغل موسخ
قلتلهآ سمية روحي عيطي ليوسف يجي يلعب معنآ حرآم علينآ 
جآ وهو ميت بالسعآدة وانآ مآنقولكمش أسعد
دخلتهآلهم في رآسهم نحنولو شعره بالخلطة السحرية هديكـ
وشدينآه وحده من القدآم
ووحده من لورآ ، ووحده عآسة آو مآتهبط لوجه 
خلصنآ وخصتنآ نشوفو النتيجة ، سحقينآ نغسلولو شعره
بصح خآفنآ نجيبو مآء سخون من الدآر ، رآحت سمية فريييرة للدآر 
جآبت برمة معمرة بالمآ ، وحطينآ حطب دورنآه ب 3 يآجورآت ودرنآهآ تسخن ، سخنوو المآ ، غسلنآله شعره وطلعت النتيجة كمآ حبيتهآ
جآ وحد الشآثآن موسخ ، المهم قآبلنآه للشميسة وخلينآ شعره يشيح
شويآ سمعنآ مآمآت سمية تعيط ليوسف وهو مآمآ آو جآي ، تعآود تعيط
نقولولهآ آو جآي دقيقة بركـ
حتى جآت ولقآته في هديكـ الحآلة جآتهآ خلعة 
انآآ ونآدية هربنآ جآريين للدآر ، وخلينآه مع آولآدهآ تنذب
شويآ جآت لمآمآ تشكي 
مش غير على شعر ابنهآ حتى على البرمة طلعت سمية
جبدتهآ من لآبيبليوثآكـ يعني جديدة وغير تآع المنآسبآت
يووووه فضحتني ونهآري أسود مع مآمآ 
هي رآحت منآ ومآمآ شدتني منآ ، طبعآ رجليآ بقآو مصورين وردآت 
بويسك بشمآقهآ تاع النيلون كآن مصور من تحت بالورد
هي تضرب والوردة تتثرآسآ 
هي صح دينآ طريحة مآتتنسآش بصح حتى لدركـ نجبدوو الحكآية ونضحكوو
وكلمة الحنة عندنآ تعني شعر يوسف 
هدي هي مشآركتي 
الآ عجبتكم اضحكوو وديرولي اعجآب
والآ ماعجبتكمش مآتضحكوش وكيف كيف ديرولي اعجآب
تشآو تشآو ، في أمآن الله
مرسي على القصة هههه عجبتني صح
بصح والله الشح تستاهلي الضربة
راني نتصور في يمات يوسف مسكينة هههههههه ولا يوسف ادا تفكر الحكاية ههههههههههههههههه
|
صح نستآهل الضربة ومستعرفة
ميرسي على مرورك
|
ههه ركزيلي على النيو لوكـ
بلك كون مآعيطتش ماماه تجينآ نقصوهلوو
والمآ خلينآه جوست دفآآ ، ثآلمون مزروبين ههه
|
ههه المسكينة وجهآ كآن مايتفسرش وقبل لتنطق هربنآآ
ويوسف دركـ رآه بوليسي منآ ولآ منآ يديرلنآ طخ
انتي الهآيلة بمرورك يلدووزة
موفقة
|
ميرسي وآئل خويآ على المرور
|
عآقلة حبيت نجرب برك
ميرسي على مرورك