الجينواز
4 بيضات
4 مغارف سكر عادي
5 مغارف فرينة
فانيلا
كيس خميرة حلوى
2 مغارف ماء سخون
الحشو
3/4 كاس حليب نستلي
عصير حبة قارص
كريم شانتيي
فراز
للتزيين
كريم شانتيي
فراز مبروش
انصاف حبات فراز للتزيين نرش عليها سكر احرش ونتركها
الطريقة
نبدأ بتحضير الجينواز
نفصل صفار 4 بيضات عن البياض
نخفق البياض مع رشة ملح حتى يصبح كالثلج
نخفق الصفار مع الفانيلا والسكر حتى يصبح كالمرهم ثم نضيف 2 مغارف ماء سخون ونخفق
نغربل الفرينة والخميرة ثم نضيفها الى المزيج
ثم نضيف بياض البيض تدريجيا مع المحافظة على الهواء الذي بداخله
نفرغ الخليط في مول مدهون بالزبدة ومرشوش بالفرينة
وندخله الى فرن مسخن مسبقا 180 درجة
في هذه الاثناء نحضر كريمة الحشو والتزيين
نخلط النستلي مع عصير ليمونة ونتركه جانبا
ثم نخفق كوب حليب بارد مع بودرة الشانيي حتى نتحصل على كريمة
نبرش الفراز بواسطة la rape ( اللي نبرشو بيها الطماطم)
ثم نضيفه الى الكريم شانتيي ونخلط المزيج بالخلاط الكهربائي
بعد الخلط يكون شكله هكذا
نضيف نصف كمية خليط الشانتيي والفراز الى خليط النستلي والقارص
ونخلط جيدا بالخلاط وهذه هي كريمة الحشو
نضعها في الثلاجة
وباقي الكمية هي كريمة التزيين.
بعد الانتهاء من تحضي الكريمة تكون الجينواز جهزت وهذا شكلها بعد ما تطيب
نتركها تبرد جيدا ثم ننزع حواف القالب الجانبي
نقسمها الى نصفين
ونضع كريمة الحشو المتكونة من نستلي + قارص+شانتيي + فراز مبروش
ثم نضع النصف الثاني ونزينها بكريمة التزيين وانصاف حبات الفراز .
نضعها في المجمد لمدة ربع ساعة حتى تجمد الشانتيي
ثم تقدم
وان شاء الله تجربوها وتعجبكم
تارتة هايلة يالفحلة
ان شاء الله فقي اقرب وقت ممكن نجربها
يعطيك الصحة
تسلم يديك يا حبيبتي
تستاهلي تقييم
تحياتي الحارة
|
الله يسلمك اختي السوفية
ان شاء الله تجربيها وتعجب كامل العائلة
شكراا على مرورك المميز حبيبتي:001_wub:
|
الله يخليك غاليتي نوال
جربيها اليوم لعجوزتك واكيد رايحة تعجبها:cool:
شكراا عزيزتي على التقييم
تحياتي
|
الله يسلمك حبيبتي ياسمين
ربي يحفظك والف شكر على المرور الطيب:001_wub:
جاتك هايلة دائما مبدعة
|
شكراا اختي حكيك
مرورك الجميل زاد نورا في موضوعي
الله يخليك لينا دائما
تشهي تسلم ايديك يا شاطرة
ممكن في اقرب وقت نجربها