هذا بوراك درتو للعشا توحشت بوراك و قلت نديرو و بلي موجود لقيت دجاج درتو بلجاج بلعادة نديرو باللحم المفروم فيونداشي مي قلت تاني يجي بالجاج المهم ما نخليهش فخاطري
و هذا هوا
المقادير:
ديول
صدر دجاج مقطع مكعبات "" للعلم انا كنت قطعتو شرائح قبل و دخلتو مجمد حتى يساعدني في تقطيعو لمكعبات هكدا ما يعدبكش المهم كل وحدة و طريقتها ""
بطاطا مقطعة مكعبات و مقلية
بصل شرائح
معدنوس
ملح فلفل
4 بيض
و تقدري تضيفي فرماج اذا عندك ويلا لا نورمال
الطريقة
نقلي الدجاج المقطع في زيت
نحي الدجاج و بنفس المقلات ندير البصل حتى يذبال نضيف المعدنوس لمقطع و كي نشوف المعدنوس ذبال يعني طاب نضيف البطاطا المقلية سابقا و الدجاج و 4 حبات بيض نطيبهم مع بعض حتى يشدو بعضاهم نخلوها تبرد شوية
نجيب ديول تاعي و نخدم بوراك مستطيلات مربعات مثلثات انتي و ذوقك
و نقليهم في زيت
و بصحتكم
وينكم يعطيك الصحة ينقل لركن المقبلات الحصرية
بانتظار قدوم بقية العضوات 
يعطيك الصحة
|
انا ما نستعملوش ببطاطا مسلوقة نقطع بطاطا مكعبات صغار و نقليها و نديرها مع الحشوة و تقدري ديري اضافات خاصة كيما القرع او الباذنجان
تسلم ايدك اختي ♪