بقلاوة بزي جديد وسهلة التطبيق 2024.

المقادير
3كيلات فرينة
1كيلة سمن ذائبة وباردة
قرصة ملح
ماء زهر البرتقال
الحشو
700غ لوز(3كيلات لوز مرحي)
كيلة سكر عادي
قرصة قرفة
فنجان شاي من ماء الزهر
للتزيين
فستق مهروش للتزيين
جزيئات لماعة حسب الذوق
التحضير

في اناء واسع نضع الفرينة ونصب فوقها السمن بالشوي و نبسسها حتى نفاذ كمية السمن ثم نضيف قرصة الملح ونبلل بماء الزهر حتى الحصول على عجينة متماسكة نقسمها قريصات صغار و نتركها ترتاح لمدة نصف ساعة. ثم نبدا بحلها في المشينة الخاصة اولا في رقم3 ثم في رقم5 و اخيرا في رقم 7 ثم نبدا بهن صينية خاصة بالفن بالسمن و نفرش الطبقة الاولي وندهنها بالسمن ثم نستمر حتى الطبقة الخامسة ثم نوزع الحشو الي حضرناه بمزج جيع المكونات ثم نغطي الحشو بالعجين المتبقي والي نكونو حليناه في الرقم7 ثم مررناه في المكان المخصص للرشتة حتى يتغطى كل الحشو ثم ندهن بالسمن وندخلها الفرن المسخن مسبقا حتى تاخذ اللون الذهبي ثم نسقيها بالعسل ونرجعها للفرن و هو طافي حتى تتشرب العسل و نقطعها في اليوم المواليونزين الحبات بالفستق المهروش وننثر فوقهم الجزيئات اللماعة
شهية طيبة

امممممممممممممممممممم
تهبل
يعطيك الصحة

يمي يمي يمي
تسلم الايادي حبيبتي
نطبقها في اقرب فرصة باذن الله
راااااااااااااااااائعة
تستاهلي احلى تقييم

شكرا لكن اخواتي الكريمات
رفعتم روحي المعنوية
بصحتكم

هايلة بزاف عطيك الصحة

مممممممممممممممممممم جاتك تهبل

يعطيك الصحة اختي هايلة
عندي الوصفة هاذي بصح مازلت ما جربتهاش

شكلها باهي يعطيك الصحة