عملت بريوش محشي بالشكولاطة ومزوق بنكهات كان في بالي من ايامات واليوم حلفت فيه
هومن فكرتي تحوسو عليه في قوقل وماتلقوهش خخخخ
المهم نبداو
العجينة
500 غ فرينة
2بيضات اذا تحبي ضيفي وحدة
قرصة ملح
40 غ سكر
2 ملعقة زيت و2 تع الزبدة
بشور ليمون اذا توفر انا عندي لكن نسيت
حليب دافء للعجن نحب نعمل البريوش بالحليب يجي ابن ومفشفش وتقدري تسقي بالماء عادي لكن تضيفي حليب بودرة في العجينة
ملعقتين خميرة مذوبة في حليب دافئ مع شوية سكر
طبعا الكل يعرف الطريقة نعجن المكونات ونترك العجينة تختمر
من بعد نفشوها ونقرصوها شوية برك ونبرشو فيها شكولا اي شكولا تحبو
ونعاودو نكوروها نخليوها تخمر شوية باه تمشيلنا في التقراص ندهنو لبلا بالزيت ونقرصو
نخليوها تخمر شي نص ساعة ندهنها باليض وشوية نيسكافي
انا عملت الا الصفار فقط ثم نثقبوها باه ما تنتفخش
نحطوها في الفرن المسخن مسبقا
بعد ما تطيب وتبرد
ندهنو السطح بالمربى او العسل الحر كيما تحبو انا دهنت بالمربى عاى خاطر كنت نتخيل فيها وهي مدهونة بالمربى يمي يمي 
بعدها نقسمو على اربعة ونزينو بواش عندكم من مكسرات ولا سكر رطب
انا زينت بالبيستاش وجوز الهند وسكر بني وربع خليتو عادي
هاك جا مزين على اربعة وسميتو بريوش الفصول الاربعة 
نخليكم مع الصور
اذا ما بغيتوش تعملوها قرصة وحدة تعملو قرصات صغار هاك
يسلمو اديك حدودة، ان شاء الله نجربها، قوليلي ما ثقبتيهاش الكل، في الوسط برك شغل شميني يخي؟
قوليلي حدود بطلتي مروحتيش عند حماتك حبيبتك
عجبتني خيرة شبهاتو للشميني خخخخ
والله هاااايل يعطيك الصحة
طاطا البريووووووووووووووووووش رائع
يعطيك الصحة و انا نقول هدي الغيبة وراها سر
بصحتكم
يعطيك الصحة ومزيد من الابداع خلينا نستفيد
مشكووووووووووووووورة
واااااااااااااو
باين خرجلك فووووور
بصحتكم اخالتي
يم يم يم