باي باي ريحة العرق و بطريقة رائعة طبيعية و آمنة

السلام عليكم البنات هاذي أول مشاركة ليا في هاذ القسم أنا استافدت من بعض الاخوات و حبيت حتى أنا نفيدكم
هاذ الوصفة ديال مزيل العرق كنستعملها مدة طويلة الحمد لله عمرني تشكيت من ريحة تحت الابط زيادة علي البياض
المقادير :
– معلقة كبيرة طحين قشور الرمان(خلي قشور الرمان حتى يبسو مزيااان ودقيهم في المهراز وغربليه)
– معلقة صغيرة شبة مطحونة
– معلقة كبيرة طالك (أنا كندير طالك جونسون)
– معلقة كبيرة ديال الورد مطحون (خذي الورد يابس حمصيه شوية في الفران و عنداك يتحرق ودقيه و غربيله)
كتخلطي هاذ المقادير كلها و ديري منها كل يوم وغادي تشوفي أن ريحة العرق اختفت نهائيا و غادي يولي تحت ابطك ابيض كالحليب هذا زيادة على الرائحة العطرة ديال الورد
و تقدري تخلطي هاذ المقادير من تبغي ديريهم مع شوييية ديال الفازلين أنا كنستعملو بلا فازلين

نتمنى نكون أفدتكم