باوند كيك بليمون
هاد الكيكة الي كتمني تعجبكم
غادي نحتاجوا باذن الله
كاس و نصف سكر
كاس زبدة تكون مطلوقة
3 كسان طحين
3/4 لبن
نصف ملعقة خمارة + نصف ملعقة بيكاربونات صودا + نصف ملعقة ملح
معلقة كبيرة قشور الحامض + معلقة كبيرة عصير حامض >>> أنا درت نصف حامضة
كنضربو السكر مع الزبدة حتى كيولي كريمة
كنزيدوا عليهم البيض المضرب
و نضربوا مزيان حتى يمتزج كلشي
كنقبطو الطحين و نزيدوا عليه الخميرة و البيكاربونات و نصف ملعقة ديال الملحة
و كنبقاو نديرو شوية طحين شوية لبن بتناوب حتى كنسليو الخليط ديالنا بالطحين
كنزيدوا قشور الحامض و العصير و نضربوا حتى يمتزج كلشي
نديروه في المول ديالناالي سبق لينا ذهناها بزبدة و دردنا عليه الطحين
و ندخلوه للفرن المسخن على 180 درجة لمدة ما بين 50 حتى 60 دقيقة و منين يطيب شعلي عليه من الفوق باش يتحمر
هاهو ذا منين طاب خليتوا حتى برد مزيان و انا نزوقوا الكلاصاج
غادي تحتاجي كاس سكر صقيل + 2 معالق حليب + عصير نصف حامضة
و انتي و عينك الى بان لك خفيف بزاف زيدي سكر و الى بان لك ثقيل بزاف زيد الحليب
و زوقي به الكيك ديالك
و هادي لكل من زارتني و نوراتني
نتمنى تعجبكم
__________________
ربي يخليك يا ماموكة منورة بوصافتك الرائعة