السلام على من اتبع السلام كيف حالكن اخوات انشاء الله بخير اليوم جبتلكم الملوي او المسمن الغرب بصح حنا عندنا معروف بالملوي بطريقة اخرى ولي هي بالقمح صدقوني ما فيش اروع منه بنه وخفه اليكم الوصفة♡
عندنا غرفية فرينة . نصف غرفية قمح . ملح وقرصة خميرة . السكر او العسل
للتوريق .: عندنا دقيق القمح . الزبدة . الزيت .
الطريقة : نعجن الفرينة مع القمح والملح والخميرة والسكر بالماء الدافئ اه انتبهو مليح بعد ما نعجنها نخليوها ترتاح 10او 20 دقيقة عادا نشكلهم كريات صغيره و ندهنوم بالزيت و منبعد عادا نتركها ترتاح شي نصف ساعة او ساعة الي كان البرد و( هنايا السر نتاعو كي تقتليه بالراحة باش يجي خفيف )
التحضير: تغمسيه في الغرفية نتاع الزيت من بعد ململيها في دقيق القمح و بسطي العجينة نتاعك كيما راه باين في الصورة
وفي وعاء قومي بتذويب الزبدة مع الزيت ثم ادهني به العجينة نتاعك وفي كل طية ادهنيها بخليط الزبدة مع الزيت ولميها كيما راه واضحلك في الصورة و حبسي مازال ما تيبيها حتى اتخلاصلك جميع الكريات هكا اتتسنى لها باش ترتاح مرة اخرى وكيما قتلك اقتليها بالراحة ههههههههههههههههههه
وكي يخلاصولك طيبيها في الطاجين نتاعك و منعد قدميها للعائلة وشهية طيبة
.
سلمت يداك …
.
.
.
.
.
.
عمل رآآآآآئع
بوركتِ أخيتي
والله جعت الله يسامحك هههه
جزاكِ الله خيراً
تحية مباركة خالصة من المولى جل جلاله أغلى شكر لمجهودكم النير والمتواصل انتقاء مميز لوصفات رائعة نتمنى أن نرى جديد مواضيعك دوام المثابرة للأمام موفق (ة)بإذن المولى تعالىامممممممممممممم وشعال نمووووووت على الملوي
يعطيك الصحة الزينة
مديلي وحدة مع كاس آتاي
شكرا على الوصفة
بلا مزية ونعطيكت شويةبصح كاس اتاي نعطيك لايك و تستاهلي
|
اه اني عباسية راكي غير هنا ايا رواحي نديره لختي وبالعسل ايلا بغيتي