المقادير
قطعة لحم صغيرة
1 و نصف بصل مقطع
1 و نصف حبة طماطم مقطع
2 حبة جزر
حفنة جلبان
حفنة حمص منقوع فالماء ليلة من قبل ومفسوخ من القشرة
نصف حفنة عدس
ربطة حشيش
ملح
فلفل اسود + احمر
نصف م ص كروية kravi
نصف م ص سكنجبير
زعفران
خرقوم curcuma
عود صغير قرفة
م ك طماطم مصبرة
ماء
ناخدو الكوكوت نحطوها على نار هادية
نصبو فيها قليل من الزيت
ونعملو اللحم يتقلى
نبديو نزيدو فوق اللحم الخضر بالترتيب
نبديو بالبصل ونكملو الباقي
ثم نضيفوا التوابل كلها
درك نضيفو الماء حتى نغطيو الخضر
ونبلعو الكوكوت لمدة ساعة
بعدما نفتحو الكوكوت
نحيدو منها ربطة لحشيش + لحم
وعود القرفة
ناخدو الخليط نتاعنا ونطحنوه ثم نصفيه باه
تبقالنا مرقة صافية
انا نفضل نطحن بالرحا اليدوية
يلا عندك هداك روبو طويل تقدري تطحني بيه
بعدما نطحنوها نردوها في طنجرة او بزينة كيما تحبي
نحطوها على النار من جديد
من جهة اخرى نكونو حضرنا هاد الخليط :
فرينة + 1 جمبو انا نستعمل دوق دجاج + نصف م ص سكنجبير + نصف م ص كروية + ف اسود + ملح + ماء ونخلطو الكل جيدا
هاد الخليط نضيفوه للطنجرة فوق المرقة
نحركو مليح ونخلو الكل يطبخ
في الأخير قبل 5 د من النضج
زيدي قليل من دشيشة
وهاهي دي واجدة
ملاحظات
هاد المقادير تصلح ل 4 اشخاص برك ادا حبيتي اكثر ضاعفي المقادير
بامكانك استبدال دشيشة بشربة او الاستغناء عنها كليا
مانيش بارعة فالطبخ !
بصح انشاء الله تعجبكم
ودي واحترامي