البسبوسة من مطبخي مع سر صغير 2024.

السلام عليكم
البسبوسة حلوة معروفة ونحبوها كامل
الا انه عندها عدة طرق للتحضير والتقديم
حبيت نفيدكم بطريقتي لي جامي نبدلها
المقادير هدي لسينية الفور العادية
2بيضات
كاس زيت
كاس حليب
كاس سكر
الكثير من زاست القارص
فاني تع الميزان
نخلط الكل بشوكة او باتور شوية برك ونبدى اضافة الدقيق بشوية و2 خميرة كيميائية
نحرك حتى الحصول على قوام ماهو جاري بزاف ماهو ثقيل ونطيبها عادي ونحمروها من فوق
السر في الشربات لي تعطيها طعم مميز
باطة عسل
كاس ماء زهر
عصير حبة ليمون
نخلطهم ملييييح ونسقيها فور خروجها من الفرن
نرجعها للفرن وهو طافي
تبرد وتقدم
انا هنا عملتها في اكواب فردية وزينتها بالشونتيي
في كل كوب سقيت ب3 مغارف كبار شربات

سلمت يداك
راح نجربها ونعطيك رأيي

لا شكر على واجب
واكيد راح نردلك الجواب

يعطيك الصحة خرجتلك رائعة شهيتيني
بارك الله فيك و جزاك خيرا

امممممم ملييحة
جربتها مرة …نفس المقادير..شكرا