أسمحولي جبتكم تجريو mais راني في حيرة من أمري و بالطبع أكيد ما عندي غيركم
قال رسول الله صلى الله عليه وسلم " و أمرهم بينهم شورى "
و راني جيت نشاوركم و إن شاء الله ما تبخلوش علي بالنصيحة لأني محتاجتها
العرس تاعي الصيف الجاية و أهل زوجي وزوجي حابين يعقدوا القران ‘العقود تاع البلدية ‘ من وراء العيد الكبير
السِِؤال الأول : واش رايكم نقبل نعقد او لا لأنوا جاني مازال الحال… بلاك نخلي حتى يقرب العرس احسن و احسن… ولا واش رايكم؟
السؤال الثاني و الي أهم من الأول : يا حباباتي غير دبروا علي واش نلبس… واش من ستيل- يعني انت واش لبستي في العقد تاعك أو أختك….أو صديقتك….
السؤال الثالث : ياريت شرح مبسط لتحضيرات عقد النكاح عندكم…. ؟؟؟؟؟؟؟؟؟؟
في الانتظار على نار
تحياتي لكن :
طيور الجنة21 
العرس تاعي الصيف الجاية و أهل زوجي وزوجي حابين يعقدوا القران ‘العقود تاع البلدية ‘ من وراء العيد الكبير
الله يكمّلك ان شاء الله
السِِؤال الأول : واش رايكم نقبل نعقد او لا لأنوا جاني مازال الحال… بلاك نخلي حتى يقرب العرس احسن و احسن… ولا واش رايكم؟
منعرف يااختي هادي حاجة ترجع ليك
وشوفي عايلتك واش رايهم
السؤال الثاني و الي أهم من الأول : يا حباباتي غير دبروا علي واش نلبس… واش من ستيل- يعني انت واش لبستي في العقد تاعك أو أختك….أو صديقتك….
في العقد نورمالمون تكون لبسة سامبل
في الروز ولا لبلون ولا لبلون
غوب ومعاها بوليغو تكون غوب تاع خُرجة
أو حجاب مشري ولامخيّط
المهم شوفي انتي واش تحبي
المهم السّترة والحياء في لبستك
السؤال الثالث : ياريت شرح مبسط لتحضيرات عقد النكاح عندكم…. ؟؟؟؟؟؟؟؟؟؟
هادي معنديش بيها معريفة
ان شاء الله يساعدوك بقية البنات
واش حبيت نقوللك اختي انا لوكان حيت في مكانك نخلي حتان يقرب عرسي ونعقد
باسو هاذي دنيا وماكيش عارفة واش فيها
البسة انا في بالي كشما اونصونبل يكون مليح اذا كنتي من اللي يلبسو حجابات الي نقصد بيهم غوب مونتو البسي كاش واحد يكون في الغوز كلاغ ولا البآش ولا البلونوي اكسريه مع الباج كاين يعني الوان مليحة درك انتي وذوقك
اذا كنتي من اللي يلبسو les jupes البسيها وديري معاه اكاش جيلي كاش كوغ ولا فاست كلاسيك كوغت كاين دي مودال بزاف والالوان خيرات ربي
السؤال الاخير كي يجيو اصحاب الخبرة يردو عليك
ربي يهنيك اختي ويفتحلك البيبان
(( وأمرهم شوى بينهم )) صدق رسول الله صلى الله عليه وسلم
بخصوص استفسارك : حنا العقد المدني نديروه قبل العرس بشهر هكاكا ، والعقد الشرعي يوم العرس ،
الطفلة تلبس حجاب شيك وجديد وفخم ،، ولا طايور ،،،
بالنسبة للتحضيرات ،، شوفي عادات الولاية تاعك ، ، حنايا ،، يدو الرجال اهل العريس معاهم قازوز وباتيسري ،، العريس يجي هو وباباه وخوه اذا عنده ، والعروسة تروح هي وباباها وخوها ، ولازم تدي معاها اختها اذا عندها ، ولا بنت عمها ولا بنت خالها توانسها ،،
يدخلوا للبلدية ،، يعقدوا ، يسنيوا ،، ومباعد يبداو يباركو اهل العروس واهل العريس ويفرقو القاطو والقازوز ويعطوا لخدامة البلدية ،،،
العروسة كي تروح تلقى الدار معبية بماليها ، ولا يجو من باعد يباركو ، تحطيلهم القازوز والقاطو وهكذا
|
سلآمي ’
|
اعلم اني لم استطع افادتك آسفة
وربي يبارك ويكملك حنونتي
سلامي
مثبــت: ملتقى عرائس ومخطوبات اللمة الجزائرية/خاص باستفساراتكن حول كل ماتحتاجه العروس
سلآمي ’