السلام عليكم و رحمة الله و بركاته
أولا: نجيب راس شوفلور و نقيه و نغسلوه مليح و نحطوه يفور حتى يطيب مليح
من بعد نمعسوه بفرشيطة مليح و نزيدولو الملح +فلفل أسود + معدنوس+بيض حسب حجم الراس +شابلير(chaplure) حسب الحاجة حتى نتحصل على عجينة متماسكة
نشكلو أصابع صغيرة و نمررها فالفرينة ثم فالبيض ثم فالشابلير و نحمروهم فالزيت و نخليوهم على جنب
من جهة أخرى نقلي البطاطا مربعات صغار و نحطها هي الأولى فالبلاطو
و من جهة ثانية نحضر الجاج نطيبو فب صوص بلونش و نفتتوه و نحطو فوق البطاطا و في الأخير نحط الشوفلور لي قليناه من قبل و نفرغ عليهم صلصة الجبن
الصلصة:
1 لتر حليب+3بيض+100 غ نشاء أو فرينة+2 شاف أو 200 غ جبن أخر و نحرك مليح و نحطها فوق النار حتى تعقد
و نشعل عليها الفرن من تحت حوالي 10 دقايق برك ثم نشعل من فوق حتى يحمار الوجه
و الصور توضح أكثر
و أي استفسار أنا فالخدمة
سلام
يعطيك الصحة اختي ام نيفين مشكورة على ا لوصفة
رائع ام نيفين تبان تشهي شكرا جزيلا أختي الصلصة هي نفسها البيشامال؟
|
الله يسلمك حبيبتي
|
الله يسلمك حبيبتي
الصلصة ماشي بيشامال هاذي صلصة الجبن ماشي كيف كيف
مشكووورة يعطيك الصحة جاري التطبيق
مممممممممممممم تشهي حبيبتي ام نيفين ما شاء الله عليك اطباقك كلها هايلة و مبتكرة يعطيك الصحة على الوصفة
الف الف الف شكر تسلمي غاليتي
الف الف الف شكر تسلمي غاليتي
يعطيك الصحة اختي أم نيفين، باين عليه بنين
يعطيك الصحة و مشكورة على ا لوصفة
مشكورين حبيباتي على الردود العطرة
نورتم موضوعي
نورتم موضوعي