المهم البارح كنت حايرة واش ندير للعشاء
تفكرت الطبق اللي موالفة نديرو
الجلبان واللحم مطحون
راح نعطيكم المقادير
كيلو جلبانة
نص رطل لحم مطحون
بطاطا
2 حبات بصل صغار
حبة طماطم
ملح حرور كمون قرفة سكنجبير معدنوس
2 بيض
3 مغارف روز
سميد رقيق خبز مرحي
طريقة التحظير الطاجين حضري مرقة بيضة او حمرة كيما تحبي (الزيت +البصل +الطماطم محكوكة+سكنجبير +الملح+الحرور+قرفة+ طماطيش ومرقي) اللحم غير ضرور تقدري تستغناي عليه
نروحو لمرحلة الثانية
ضعي اللحم المطحون+بصلة مفرومة صغيرة +الروز+المعدنوس+الملح+الحرور+ا لكمون+شوية قرفة+م ص زيت(باه يجي طري)+حبة بيض وخلطي كل شيء
وكوري كويرا صغار
ضغطي عليهم بكفك كي المعقودة ورمدي 1السميد رقيق2البيض3خبز مرحي
كي يطيب الجلبان مليح ( خلي فيه المرقة لان الروز الي في اللحم يحتاجلها) دري المعقودات فيه وخليه قد ما يطيب الروز وديري المعدنوس من الفوق
وقلي لبطاطا دوائر وستفيها في الصحن
نتمني نكون شرحتلكم مليح جربوه والله بنين
ارجوا منكن التقييم
بارك الله فيك
تحياتي
urrender: يلزم نجربها يعطيك الصحة حنونة
ان شاء الله اجربها في اقرب وقت
شكرااااا
يعطيك الصحه ختي
والله باينة ينينة بزااف
انا نحب الجلبانة
نشالله نجربها//
|
merci nadoucha
|
الله يسلمك