الله غالب الموضوع باين من العنوان
بعد ما خلصت الباك و كل شيء خرجت للشارع فرحانة قلت صايي بلاك نكون الاولة في الليسي خطاه سهرت و عييت تعبت سهرت و مرضت الله غالب شربت المقويات فطوري كان خاص من كل ما طاب و لذة ………..
howoff: هدا كامل باه نهز صحتي و نقدر نكمل…. :o_o:
و من لخر نلقى بعد ما خلصت و خلاص ( شعبة آداب و فلسفة) نلقى الجماعة تهدر بالأسئلة …cared:
و الله لحرام عليهم حسبي الله و نعم الوكيل من الرياضيات و فلسفة و شريعة و الله ما غضتني كمشفتش الاسئلة و لا شيء غاضتني ناس تنجح بالراحة بلا شقى و يروحوا و يشاركونا في نفس المقعد و بلاك نطيروا بسبتهم لان معدلاتهم اعلى ………..
أنا على بالي بلي ربوع الوطن كامل على بالو (المعنيين بالامر: الطلبة الاساتذة و الحراس) مي معلى باليش شكون لمأيدهم و شكون لا.
أنا ضدهم طبعا لأنهم ياكلو في لحرام و يظلموا في الغير و أنا مع الحراسة المشددة 5 و 6…..
شكون لمعايا و شكون لضدي
أنا و الله لو جاتني الاسئلة ما نقراها و لا نسقسي عليها…..
قال تعالى : ان الباطل كان زهوقا
معناه راهو الي كاتبلك تديه أنا مريت بنفس ما مريتي تلاميذ تدي في النقاط باطل بصح حت ولو وصلو وصارو ما صارو كلها حرام في حرام
ربي يوفقك أختي
تقبلي مروري
أختك جهيدة
u_nno:
:thumb_down:
ربي يهدينا برك
في الجزائر الدنيا راها مع الواقف
واش حابة تعملي ….
راح الشارم تاع الباك ذاك العام
وزادو كملوها بتسريب اللاسئلة
يعني مليحة يادزاير
ربحتي
ربي يوفقك اختي
والله بلادنا كلشي ولا نورمال فيها
حتا انا الصبح خويا
جا زعفان
قالي اللي جامي قراو خرجو يضجكو وقالو ادينا عشرين
لكنو قالي مانحتاجش حاجة الحرام
الا اديت ندي بعرقي وبخدمتي
وربي عمرو مراح يخذلني
ربي يوفقكم خيتي
ربي معاكم
مشكورين مي و الله صح كاين بزاف درك طاحو بين الرجلين خطاك ميحبوش لحرام …….
يا ربي يستر راني مييت بالخلعة درك واش يصرى…
و حاليا راها اسئلة الفيزياء راها في النت مع الحل أكيد كاين لمش شايفها
مي الاشكالية لعندي هي أنا علاه ملحقتنيش الاسئلة كما هما؟ أنا شكون و هما شكون؟؟
و الله تجي تفهم باه تنحي الحيرة تحير و تدوخ…….
وان شاء الله بربي ننجحوا