اولا نشكر اختنا خيرة على حسن ضيافتها لينا و ان شاء الله نعاودو الزيارة مرة اخرة
و بسم الله نفتتحو جزء جديد من مطبخ بيتي و انشاء الله يكون جزء مليح و تكون قعدة حلوة كيما عودتونا دائما
مرحبا بيكم
و هاذي بعض اطباقي بعضها من الارشيف و البعض ماعندهمش بزاف
اتفضلو بعض الحلويات اللي انا من عشاقها علابيها نديرهم كثر من الطيابات الاخرى
هاذي شريتهالكم خص نص علاجالكم 
احبتي نتمنى تقضيو وقت ممتع فكوزينتي
على الرحب و السعة
سارة واش نقلك ماشاء الله كوزينة تهببببل كي مولاتها ربي يعطيك الخير و شكرا على الاستضافة العطرة كلشي مرتب و بتاويلو ياعيني يا عيني على الفحلة نتاعنا
بلا ما ننساو الاطباق الرائعة يعطيك الصحة سرسورة نروح نجيب حاجة حلوة و نجي
هيا هاكي سامحوني هذو الحلويات خدمتهم من مدة كانو في الميكرو قلت نشارك بيهم معاكم خيرمن والو المهم المشاركة
هذو عرايش درتهم في الخطبة نتاع اختي
وهذي درتها في لانيفارسار نتاع اختي الاخرى
وهذو عبارة عن 4 كيكات كل وحدة بنكهة ونحطوهم فوق بعضاهم ونديرو بيناتهم كريم شانتي ولا كريم براليني و نقطعوهم بالمول الشكل اللي نحبو هنا درتهم قلب يجيو امممممممممم روعة
|
يا حيف ماكانش العشم وانا منقبيل وانا السطايفية السطايفية وانت خرجتي عليا الطريق؟ جبتيهم في الليموزين وانا خليتيني نكرع بصح معليهش مول النية اللي يربح واشمن ليموزين تهزهم باين جاو راكبين فوق بعضاهم مساكن ههههه يا المشحاحة نورمالمن ديريلهم كورتاج بلي ليموزين هههههه
ما نجيبش مالا حاجة حلوة خلي جماعة الليموزين يجيبو
يخي نتي قريبة تجي تتمشاي خير ولا وش قالت السطايفية الزينة
هاني كريتلهم ليموزين و مزال مالحقوش مساكن هوما و ولادهم سور راهم مع الشبشاقة تاع وردية هيهيهيهيهييي
هاتيلنا حاجة حلوة الزينة ضرك يلحقو ديخانين ويقولو ماقاموش بينا السطايفيات يرديكي كدة بردوو
ما شاء الله ما شاء الله اخت سارة وألف مبروك إفتتاح الجزء 43 وإن شاء الله راح يكون من أروع الاجزاء كيما لي سبقوك
ويعطيك الصحة يا طيبة على روعة الاستظافة
ربي يوفقك إن شاء الله
وربي يعطيك ما تتمني يارب
وربي يجزيك كل خير يارب
موفقة
اخت ارنيس دائما سباقة ما شاء الله عليك
وليلتكم سعيدة يا طيبين
الف مبروك الكوزينة الجديدة
يعطيك الصحة سارة الكوزينة راهي تشعل والاطباق ماعندنا ما نقولو كل شيئ بالطبع
محبيش ندخل بيديا فارغين جبيت معايا بوكي ورد
يعطيم الصحة سارة، شطورة وقايمة بالواجب وكوزينة مشاء الله عليها
راني جبتلكم حاجة حلوة معايا طارطة نتاع الشوكولا ممممم
الله يبارك سارة كل شيء بالطبع راني ماجيتش بيديا فارغين جبت معايا شويا صور طبقت الكاشير تع ندوش
ومبروك علينا الكوزينة الجديدة عند سارة يعطيك الصحة على ل menu الرائع و كوزينتكم شابة و مرتبة الله يبارك
هاني جبت عشايا و جيت نتكركر مالكوزينة تاع خيرة ما صحتليش بلاصة فالليموزين الله غالب الشعب قاوي
عشايا غراتان و بوراك راني غير لخفيف كرهت الطياب