قريب يجيو ساعدوني 2024.

السلام عليكم انا عضوة جديدة هنا وياريت ترشدوني انا هدي الجمعة جايين يشوفوني وبلاك فيها خطبة وانشاء الله يتمم على. خير بيسك حبيت تنصحوني واش نلبس كي جيو واش نقدملهم حوايج وعلى فكرة اول مرة نتقابلووو كيفاش نتصرف معاهم او معاه هو بصفة عامة وش نهدر معاه واش نقلووو كيفاش اندير بليييز ساعدني راني خايفة ييييييييياسر ومني كل الشكر والتقدير…………..

على حساب ما فهمت ختي راكي تقولي شوفة برك
مالي ما تلبسيش حاجة ثقيلة و لا صواغي بزاااف
البسي حاجة زينة و تاع كل يوم

تضيفيهم عصير و حاجة معاه و قهوة و قاطو هذا مكان

و الهدرة معاه خليكي بطبيعتك و كوني حشامة هههه هذا مكان

و ربي يكملك بالخير ختي

ربي يتمم ليك بالخير اختي صلي ركعتين قبل مايشفوك وامورك تسير على خير

شكرا بزاف ليكم نصائحكم على عيني وراسي .وبخصوص حوائج يعني الاكل هههه .

ربي يكملك بخير ان شاء الله
ماتخافي ماوالو هذي حاجة عادية وبالعكس اذا خفتي راح يبان عليك وفي وجهك وتكوني غير مرتاحة ومقلقة
انتي ادخلي نورمال سلمي عليهم واذا هدرو معاك جاوبي واذا لالا اقعدي ساكتة وحشمانة واذا كان هناك ما يضحك نتي ابتسمي فقط ماتوريش شحال عندك من سنان ههههههههه
وبخصوص الرجل تاني اقعدي بدون كلام حتى هو يسقسيك من حقه يسمع صوتك وياخذ رايك ممكن في مشروع الزواج
خليه هو اللي يتكلم وانتي جاوبي بكلمات مختصرة فقط وابقاي حشمانة وعينيك في الارض
لا طبعا خليه يشوف عينيك لانه حقه الطبيعي مي ماتظليش تشوفي ليه حتى واذا عجبك هههههههههههه
راني نقصر حنونتي
ماتخافيش صلي زوج ركعات قبل ماتدخي وادعي ربي يسهلك زواجك
شكرااااااااااااا
بخصوص واتش تقدميلهم يا اختي شوفي على حسب الوقت اللي جاو فيه يعني الاغلبية يجيو بعد الغداء يعني توجديلهم قهوة ولاتاي والحلويات وممكن تزيديلهم عصير وماراهمش رايحين يطولو اذا جايين يشوفو برك
المهم نتمنى من ربي يتمملك بخير ويسهلك ويكون معاك
شكراااااااا

ما عندي ما نزيد راهوم نصحوك و قالولك على كول شيء متخفيش و افرحي في هدا نهار رايح يبقي ذكرا جميلة و عليك بالتصاور باش توريهم لولاد تقوليلهم هدا باباكم المهبول كي جا خطبني ههههههههههههههههه…..
ربي هنيك و يفرح كل وحدة بلي كتبهولها ربي نشاء الله

شوفو هاذي العروس ……