الرّبيع مآ يكمل إلا بِ – البرَآج ْ – [ من مطبخي ] 2024.

السّلآمُ عَليْكُمْ وَ رَحمَةُ اللهِ وَ بَرَكَآتِهِ ^^
بسم اللهِ الرحمَآن الرَّحيمْ ~

°°°°

و هنآ عندنآ اللمة نوصلو بيهآ مختلف أطبآقنآ ،

مآلآ اليوم الموضوع رآح يكون :

الرّبيع مآ يكمل إلا بِ – البرَآج ْ – [ من مطبخي ]

بِسمِ الله ~



المقآدير :

– ملح
– مآء
– قرفة ، قرنفل ، جلجلآنية محمصة ، شوية زيت [ للغرس ]
– 3 كيلآت دقيق [ متوسط مآهو خشين مآهو رقيق ]
– كيلة سمن ذآئب ولآ زبدة [ مآلآزمش نديرو الزيت لأنو يجيك يآبس ]
( بالنسبة للسمن الأفضل هو سمن المدينة لأنو مآ فيهش الريحة و تجي الاكلة تآعنآ مبسسة مليح )
– مآء زهر [ نكهة و رآئحة هآيلة من الاحسن يكون أصلي ]
– الغرس [ نفضل تآع البطآنة أحن من الغرس لي تتبآع محفوظة]

و الآن نجيو للطريقة :

بعد مآ تجيبي المقآدير تآعك ، و مآتنسآيش بسم الله ،
حطي الدقيق تآعك و بليه بالسمن لآزم يكون دآفئ و بالمآء زهر،
حتى تتلم العجينة مليح و خليهآ في جهة
روحي حضري الغرس تآعك ، نقيهآ و لميهآ بشوي زيت و مآء و دآويهآ بالقرفة و القرنفل
و زيدي معآهآ الجلجلآنية ، حتى تطري مليح هكآ تكون وآجد ،

نرجعو للعجينة نقسموهآ على اثنين ،
النص الأول نطرحوه على شكل دآئرة و نحطو فوقو طبقة الغرس
و مبعد نزيدو النص الثآني تآع العجينة ،

نقطعوه على هذآ الشكل :

نكونو في هذآ الوقت حطينآ الطآجين المسرح يسخن ،
و نطيبو عليه البرآج تآعنآ

– كآين لي يفور الغرس قبل مآ يستعملهآ و هآذي تعطيك نتيجة جيدة
– تآني تقدري بعد مآ تطرحي طبقة الغرس تنثري فوقهآ كوكآو و لآ أي مكسرآت محمصة و مرحية رقيقة
– تقدري تديري أشكآل منوعة للبرآج و تنقشي فوقهآ – أنآ احتفظت بالشكل التقليدي –
–تعمدت نستعمل ألوآن الربيع

و الآن نقلكم أبقآو على خير
و ان شآء الله يكون عجبكم الموضوع و سآهمت بآه نحآفظ على التقليدي ،

صَفْصَفْ

خبيتها نفطر بيها الصباح

تسلم الايادي صفصف

اقتباس حطي الدقيق تآعك و بليه بالمآء لآزم يكون دآفئ و بالمآء زهر، حتى تتلم العجينة مليح و خليهآ في جهة

السمن خخخخخخخخخخ
شطوووورة فحلة تعنا

درتي كيفنآ والله درنآه في العطلة تآع الشتآآ
و زدنآ عآودنآه في الربيع خلي ربيعنآ قبل النآس

الله يسلمك حبيبتي مينآآتة و صحيتي فيقتيني رآني عدلت

نورتي الزينة

جاو يشهو يعطيك الصحة حبوبة