قاطو بالبان ديبيس تدبيرة اللماويات 2024.

بواسطة السيد المحترم
3 أغسطس، 2023

السلام عليكم ورحمة الله وبركاته
اليوم جربت وصفة نتاع البان ديبيس للامانة تدبيرة اللماويات نسيمة//ريما//اسما اعطاوني تقريبا نفس الوصفة وانا زدت شوية وخرج الصراحة روعة خفيف ويدوب في الفم ونبداو مع المقادير
المقادير
***تقريبا بواطة بان ديبيس مرحي
***كاس كاوكاو مرحي متوسط
**كاس لحظة
** نصف كاس سكر قلاصي
**250 مقرين بحرارة الغرفة
**02 بيض كاملين+01خميرة الحلوى+01لافاني
**فرينة حتى تتلم العجينة
للتزيين
**معجون مخفف بمزهر +عصير ليمونة+بان ديبيس مرحي+كاوكاو مرحي متوسط او لوز+شكولا دايبة
التحضير

نخلطو الزبدة مع البيض مليح منبعد نزيدو السكر قلاصي+اللحظة+الكاوكاو+البان ديبيس//كاس معمر//+الفرينة المغربلة مع الخمارة ولافاني ونزيد بلعقل الفرينة حتى نتحصلو على عجينة متماسكة وطرية نديرو حربوش ونقطعو ونديرو هلال ولا اي شكل تحبيه انا درت وريدات وهلال المهم نديروها تطيب على نار قليلة ميحبش النار قاوية المهم كي ياخد اللون الدهبي نحيوه ونخلوه يبرد طري بزاف منبعد نغطسوه في المعجون المخفف بالمزهر وعصير الليمون منبعد رمدوه بالبان ديبيس+اللوز او الكاوكاوميبانش البنة تاع البان ديبيس كي نزيدو معاه اللوز ولا الكاوكاو ونزينوه بالشيكولا وشهية طيبة القعدة والصور توضح المراحل بالتفصيل خسارة معنديش ليكيسات