كيف حالكن يا اخواتي الغاليات ان شاء الله بخير
قبل ايام كنت رحت ردارنا نزورهم وقعدت غير نخمم واش ندير حلوى على الاقل ندخلها في يدي
فتحت الجريدة الخاصة بالوصفات اللي نضل نكتب وما نطبقش 
ولقيت هذ الحلوى فجربتها وهي ناجحة %100 اليكم المقادير
6بيضات نفصل الصفار على البياض
150غ سكر
150غ زبدة طرية
150غ شكلاطة ذائبة
150غ فرينة ممزوجة بساشي خميرة الحلوى
للتزين
4صفار البيض
200غ سكر قلاصي
نوتيلا
الطريقة
نخلط صفار البيض +السكر حتى يرجع الخليط ابيض ثم نضيفوله الزبدة والشكلاطة الذائبة والفرينة والخميرة طبعا
نطلع 6بياض البيض كالثلج ونضيفه الى الخليط
نسخن الفرن وندهن البلاطو بالزبدة ثم نرشه بالفرينة وندخله يطيب
في نفس الوقت نطلع 4بياض البيض كالثلج ونضيف لها سكر قلاصي
لما تطهى الحلوى نطليو عليها المورانغ ونشعل الفرن فقط من الفوق وندخل الحولى حت ى المورانغ تتماسك ويحمر لونها
نخرجها ونسخن شوي نوتيلا ونطليها على المورانغ ونتركها تبرد جيدا قبل التقطيع
وتزين حسب الرغبة
يعطيك الصحة على الكلمة الطيبة
|
Does not have any meaning TRY AGAIN
مشكوووورة على الوصفة
الله يعطيك الصحة حلوى رآآآئع وزيد الديكووور أروع
تسلم الايادي
يعطيـك الصحـة