كثير من الاشخاص ميحبوش القرعة لهذا فكرت نحط هذي الوصفة لتتخلط فيها المكونات و تغطي بنسبة كبيرة على ذوق الكوسة
نبدأ على بركة الله…
قرعة
ثوم بزيادة
ملح..فلفل أحمر..فلفل أكحل ..كمون
1 طماطم حب + طماطم مصبرة
زيت الزيتون..حشيش..تونة
نهرس الثوم نقليه شويا في الزيت نضيف البهارات و الطماطم المسكرفجة و المصبرة
نسكرفج القرعة و نضيفها في القدر دون ماء و نخليها على نار قليلة القرعة رايحة تطلق ماها
30ثانية قبل ما نطفي النار نضيف التونة الوصفة تجي واقفة على إيدامها يعني مجمرة
نقدمها مزينة بالحشيش و دوائر من البطاطا المغلية أو تزيدو تقلوهم في الزيت كل واحد و ذوقو
الوصفة مجربتها إن شاء الله تعجبكم و تسعدكم
أرحب بكل اقتراح او اضافة أو إستفسار
والوصفة ساهلة
خيتو بائعة الكبريت ولا جربتها راني نحط التطبيق
تبان خفيفة ومليحة ليامات الربيع
|
ساهلة ساهلة خفيفة و مليحة كما قلتي للربيع علابالك كتسخن الحالة نهربو من المرق
و اهم شيئ خداعة للي ميحبوش القرعة ههه
بصحتكم ختي
المسكرفجة نسكرفج الحشيش
|
العفو أختي لندا شكرا لمرورك
|
انا تاني نشكرك بزاف على الرد
و نتاسف اني لم ادرج كلمة سكرفاج بالفصحى كوني لا أعرفها
أيا املا عملت روشارش في goga و هو لانقدني من الحرج
هاهو السكرفاج
اسكرفجي القرعة في السكرفاج .. الإعراب
اسكرفجي = فعل أمر
القرعة = مفعول به
في = حرف جر
السكرفاج = الاسم المستعمَل للسكرفيج
و الحشيش …هي كما نقولو حشيشة مقطفة أو باالخليجي و الشرق الاوسطي كزبرة
تحياتي لكِ و لكل الشعب المغربي الشقيق
بارك الله فيك
|
و فيك بارك الخالق
في رعاية الله