بطاطا مقشرة ومقطعة الى ارباع بالطول
ثوم مفروم
نتبل البطاطا بالثوم والملح والفلفل اكحل وزعتر
يمكن استبدال الزعتر بالرند او المعدنوس حسب الذوق والرغبة
نحك البطاطا مليح باليدين مع الثوم والتوابل
نغسل المرقاز وندير فيه ثقوب بالسكين
ونحطو مع البطاطا
نغلف المول بالالمنيوم وندخلو الى فرن مسخن على 220 درجة
نراقبو ومرة على مرة تقلب البطاطا باش تدخل فيها الصوص تاع المرقاز
نخليه في الفرن الى ان تطرى البطاطا مليح ويتحمر المرقاز
ويقدم
—
—
مي قوليلي ما يطلقش بزاف الزيت؟نقصتي منو الزيت كي كان يطيب ولا لالا ؟
|
تستاهلي البلاطو كامل هههههههه
شكراا على المرو اللطيف
|
الله يسلمك اختي
|
زعما المرقاز هذا ماهوش مشحم ياسر وطلق ليدام بصح تشرباتو البطاطا والباقي بقا في اسفل المول .. حاولت نهز البطاطا والمرقاز ونخلي ليدام لتحت
بصح فكرة مليحة تاع تنقصيلو في نص الطياب
شكراا احلام ربي يحفظك اختي
يعطيك الصحة يا غالية وصفاتك كلها رائعة واحتفظ بها
ربي يحفظك اختي والف شكر لكي
ساهل مايحكمش اليد -هدا لي نحب انا هههه التفنييين ههههه-
بصحححتكم يا غالية
يعطيك الصحة ندوشة توحشنا طيابك واطباقك
heer:
يعطيك الصحة يا شطورة لعقوبة نهار تنوضي بخير وتمتعينا بالجديد
يعطيك الصحة