بسم الله الرحمان الرحيم
واش راكم ؟ لاباس شوية ؟ …. انا الحمد لله 
hiny:
بزاف عضوات عجبهم الـgـاطو هذا و طلبو مني طريقة التحضير
أنا شفتها في قناة فتافيت دارتها حورية المطبخ بصح ما زينتهاش كيما هي
لمسة خاصة hay:
اليوم نديرهالكم بالخطوات المصورة
و ان شاء الله تعجبكم :rolleyes:
بسم الله
المقادير :
للعجينة :
150 غ زبدة
40 ملل زيت
100غ سكر ناعم أو عادي ( يستحسن استعمال السكر الناعم )
بيضة كاملة + صفار بيضة
من 400 إلى 420 غ فرينة
ملعقة فانيلا
رشة ملح ( انا ما نديرش الملح )
للحشو :
كاوكاو مطحون
gــاتو تاع الشرية
عسل
للتزيين :
شكلاطة ذائبة
جزيئات لماعة
كيفية التحضير :
تخفق الزبدة مع الزيت جيدا ، يضاف البيض و الفانيلا ثم نضيف الفرينة تدريجيا حتى تتماسك العجينة .
نفرد العجينة بواسطة الحلال ، نرش الفرينة لكي لا تلتصق
( بصراحة العجينة صعيبة الخدمة بيها تتفتت بزاف اخدمو بالعقل )
بعد ما تفردوها بسمك نصف سم تقريباً ديروها فــ لي مول
نستعملو لي مول هاذو :
مبعد اثقبيهم بفورشاط ولا ديريلهم كيما حورية المطبخ الحمص ولا اللوبيا ههههه
و دخليهم الفرن
كي تشوفيهم طابو خرجيهم
هنا المرحلة الصعبة anta_1:
كي تبداي تخرجيهم من لي مول خرجي غييييييييييير بالعقل باش ما يتكسروش
يكون شكلهم هكذا :
بعدها تجي مرحلة التزيين يآآآآآآآآمـــــــــــي heer: j’adore
تحضري الحشو بمزج المقادير المذكورة مع بعض
تحكمي زوج حبات و تحشيهم و تحطيهم في سنيوة
كي تكملي ذوبي الشيكولة و ديريها في قمع ورقي و زينيها كيما فالصورة ، و رشيها بالجزيئات اللماعة البريو .
و هاذي الصورة النهائــــــــــية :
تفضلو كولو بصحتكم ههههه
ان شاء الله تعجبكم
سلآم
هاي ليك لافاطو
|
مرسي يعطيك الصحة
|
hiny:
مرسي حنونة
يعطيك الصحة على الحلوة
|
مرسي حكيك ^^
ساجرب عجينتك في وصفة اخرى
شكرا ليك حبيبة
جاك يهبل