غريبية بشكل جديد من مطبخ ام اماني 2024.

السلام عليكم اخواتي
المقادير:
كيلة سمن ذايبة ونعاود نحطها في الثلاجة حتى تجمد وممكن نعوضها بالزبدة او المرقرين في هذا الحالة كي تجمد الزبدة او المرقرين ننزع الحليب لي نلقاه في اسفل الاناء لي كيلت به
كيلة ناقصة اصبع سكر رطب
كمية من الكاوكاو محمص ومرحي رقيق وممكن نعوض بالجلجلانية محمصة
فرينة
ملون اخضر و وردي
الطريقة:
بواسطة الخلاط الكهربائي نخلط السكر مع السمن مليييييييح حتى يبياض الخليط بعدها نضيف الكاوكاو ونحرك ثم الفرينة نضيف بشوية ونحرك بيدي حتى نتحصل على عجينة ماتكون يابسة ما تكون طرية بزاف
ناخذ كمية صغيرة من العجينة ونضيفلو ملون اخضر وكمية اخرى نضيفلها ملون وردي
نشكل حربوش من العجينة البيضاء و بواسطة الشوكة نعمل خطوط ثم نقطعها مقروضات كما في الصورة
https://
بواسطة طابع صغير على شكل وردة نعمل وردة باللون الوردي و نعمل اوراق بالعجينة الخضراء
https://
نلصق الوردة وورقتين على كل حبة بواسطة القليل فقط من بياض البيض
https://
ندخلها تطيب في فرن على درجة حرارة160 درجة لمدة 10 د لازم يبقى لونها ابيض من الاسفل
لما نخرجها من الفرن نخليها تبرد تمااااااما بعدها نرش عليها شوية سكر رطب ونقدمها وهذا شكلها النهائي
https://
https://

نتمنى تعجبكم ولا تنسوني اخواتي من صالح دعائكن
</B></I>

اممممممممممممممم الله يبارك
روووووووووووووعة

مـــــاشاءلله حاجة هايلة وكأنها مش غريبية
تسلم الايادي
كل حاجة طيبيها أحسن من الاخرى

أحلى تقييم

شكل جديد وهاايل
نفس الوصفة لي معتمدتها
يعطيك الصحة ام اماني
حبيت نصقصيك لي حطيتيها من قبل على شكل هلال وبالكاوكاو نفس المقادير تاع هاذي ؟

روعة تسلم اديكي راح نجربها لاني نموت على الغريبية

شكرا حبيبتي عفاف على مرورك نورتي صفحتي
تقريبا كيف كيف هذيك فقط عملت فيها شوية من الحمص المرحي وحمصت 3مك فرينة وخليتها بردت وضفتها