السلام عليكم و رحمة الله و بركاته
على بركة الله نبدأ
المقادير
لحم غنم ـ حزمة مربوطة متكونة من حشيش عرف كرافس عرف نعناع
فلفلــــة حــــارة
حبة بصل صغيرة ـ 3 حبات طماطم ـ طماطم مصبرة
زيت ـ ملح ـ فلفل أحمر ـ فلفل أكحل ـ قرفة
حمص منقوع فنجان فريك
الطريقة :
نقطع شرائح اللحم أجزاء صغيرة .. نقليهم في الزيت و التوابل مع البصل المسكرفج و نصف ملعقة طماطم مصبرة
لمدة 10 دقائق .. نضيف الماء ، حزمة الحشيش و الحمص .. لما يستوي اللحم نصف استواء نضيف الطماطم المرحية و الطماطم المصبرة تقريبا ملعقة و نصف .. اللحم راح يكمل الطياب مع الفريك
نطفئ النار و نضع الفلفلة الحارة ……..عند التقديم نعطرها بحشيش مقطع
و صــــــح شريبتكــــــم
الملاحظات :
ممكن نسكرفج مع البصل قرعة صغيرة تمدلها مذاق أطيب
الفريك غسلة وحدة تكفيه باش ما يروحش ذوقو
و من الأحسن نوجدوه مغسول مع بداية الطهي يطلق خثورتو مليح
الطماطم اذا كانت يابسة من الأحسن نغليها في شويا ما أو نقطعها و نذبلها و نصفيها في الكسكاس
لأنو في الخلاط تبقى حرشة و المرقة ما تجيش صافية
اذا كان غير موجود نعناع أخضر ممكن استبدلو في الأخير بنعناع يابس أو الاثنين معا
من الافضل اللحم يكون مزيج من الشحم و العظم و الهبرة
القرفة هي لتليق بالشربة مليح لما نحط شويا بزيادة
أرحب بكل اضافة أو استفسار
بارك الله فيكي اختي
|
ألف شكر لك
صح شريبتك
صحا بعد الفطور
urrender:
|
الله يسلمك و نتي زاده
شكراا لك …..نورتي
|
العاصمة و بعض المناطق يدوزنوها بالقرفة و حتى في بسكرة ….سييها
و كاين لبراس الحانوت
و في الشرق يستغربو كفاش نحطو الحمص ….قالو يخي شربة
و كل منطقة و طريقتها
ألف شكر لمرورك ….و صح شريبتكم
صحى فطورك
