السلام عليكم شكرا اخوتي على مواضيعكم البناءة انا ام لاول مرة ابني تسعة اشهر كنت ارضعه رضاعة طبيعية ومنذ شهرين بدات اطعمه ولكن اريد الاستشارة على الاطعمة الخاصة بالرضيع في هاذا العمر مثلا السمك او صدر الدجاج او الفواكه والخضر وكيف احضرهم مع المحافضة على الرضاعة الطبيعية
شوفي اختي انا أم لثلاثة أطفال الله يبارك ويعيشهملي كنت نوكلهم باستشارة الطبيب لاني ساكنة باسبانيا وممنوع تعطي لولدك اي شئ
اعملي بوري خضار فيه سنارية وجريوات وسلق وبـــــــــورو وطيبيهم فالماء وشوية ملح ماشي بزاف وأرحيهم وزيديهم مغرفة زيت الزيتون
واذا حبيتي تعملي الدجاج ضعي قطعة من صدر الدجاج واعملية بنفس الطريقة مع الخضار
مع نفس الطريق بالنسبة للسمك ويفضل السمك الابيض
اختي ابنك 9 اشهر مديلو كل الخضار و الدجاج و اللحم و خاصة السمك
انا بنتي عندها 5 اشهر و سمانة عندي شهر ملي بديت نوكلها غير الخضار و الفواكه و بدون ملح او سكر ،و اليوم بديتلها السمك و اذا كتب ربي في الشهر 6 نعطيها الدجاج و في الشهر 8 نبدالها اللحم و البيض
نتي نوعيلو الخضار مع انواع اللحوم
و طيبيلو فطور و عشا و حطيهمفي علب بلاستيك و حطيهم في الثلاجة و العشية سخنيلو برك
طيبي الشي لي متوفر عندك و نوعيلو باش ياكل كلش مثل
اللحم ،الدجاج ،الحوت ،بيض ،فارميسال ،روز ، سلق،بطاطا ،جزر ، بطاطا حلوة ،قرعة خضرا،كورجات ،طماطم نقيلها الزريعة تاعها ،معدنوس ،خس ،وووو
لي كتبتهملك بالاحمر اعملي وحدة منهم مع الخضار
و نضميلو وقتو
الصباح مديلو حليبك و لا بسكويت في الحليب
على 10 مديلو فاكهة مرحية مثل تفاح و اجاص و موز و مشمش ووووو حسب الموجود عندك
و على 12 او 1 الفطور
و عشية تاني مديلو بسكويت في الحليب او فاكهة
و في الليل عشيه مليح باش يشبع و يرقدلك
و ماتنسايش المـــــــــاء
و حليبك مديهلو بين الاوقات و في وقت النوم
ان شاء الله نكون افدتك
|
اختي انا منيش متزوجة
مي كنت نخدم في اوبيطال وطبيب الاطفال ديما يوصي الاماهات ان الماكلة تبدء من 6 اشهر ماشي قبل
و خوتاتي منين يديو اولادهم لطبيب ديما يوصيوهم بهدا الشيىء بانثلي انت زربتي شوية
اتفضلي لهذي السلسلة من المواضيع الخاصة بتربية الطفل ممكن رح تستفادي منهم
حصاد مواضيع سلسلة التجارب التربوية
|
مشكورة حبيبتي و الله يرزقك ابن الحلال و يحفظ اخواتك و اولادهم
صحيح كلامك الماكلة من الافضل نبداو من 6 اشهر لكن هنا يقولك عادي اذا بديتي من الشهر 4 و بالخضار فقط و كميات قليلة حتى يتعود الطفل على الاكل ،على هكذا بديتلها بالفواكه و الخضار و نعملهالها سايلة باش ماتضرهاش في المعدة
تحياتي ليك اختي
أم الحلوين أحنا يقولولنا هنا ابداو بالفاكهة فالشهر الساس والخضر واللحم السمك للشهر التاسع
وتكون جارية كيما قلتي على كل حال بارك الله فيك وربي يعيشلك وليداتك ويفرحك بيهم
أم مجيد ربي يعيشلك وليك ان شاء الله
