تجهيزات العروس العنابية

سلام لبنات أنا جديدة في المنتدى و حبيت نشارك بهذا الموضوع باش نعاون لبنات لأني أنا تاني نوجد في جهازي و باش يقلكم واش لازم و أنا واش شريت لأني غير نخمم نخمم نخمم في الجهااااااااااااازالقعدةالقعدة
في عنابة كاين
1-التصديرة:
– قندورة القطيفة فتلة أو مجبود
– قندورة الكوكتيل
– قندورة القروفيل
– قندورة الميكرو
– كاراكو
– قفطان
-قنادر خفاف يعني تلبسهم العروس في آخر السهرة
و يلزم كل قندورة تكون بلون مختلف و تكون معاها الحذاء و البوشيت تاعها لاااااااااااااااازم وكل وحدة و الذوق تاعها .

2- ملابس العروس للبيت:
– 04 قنادر كتان + 02 بيزو بيزو + 01 قشور الحوت( للصيف)
– 05 بيجامات للصيف ( 01 غالي و مليح ، 02 بونتاكور، 01 شورت، 01 سروال)
– 05 بيجامات للشتاء ( متنوعة)
– 04 قنادر للشتاء.
– غوب دو شومبر للشتاء
– بناتيف+ كلاكيتات+ صابوات+…..
3- ملابس داخلية:
– نويزات 09 على الأقل
– ديزابيي أبيض مع جميع لوازمه
– ديزابيي ساتان
– ديزابيي قطن
– أونسومبل سونتيان و سليب 06
– سليبات وحدهم 07
– سوتيانات وحدهم 04
– سترينغ 04
– كورساج 01
– بيستي 05
– فيزو 04
– ليبا قصار 10 و واحد أو 02 كولون
– ألبسة مغرية بالشبيكة أو بالبيزو بيزو أو أخري على الأقل 02
04- الأفرشة :
– 01 وردي تع العرس من النوعية الرفيعة تركية من الأحسن
– 01 أبيض كروشي

– 01 فراش الريبونة
– 01 فراش شانال ساتان
– فراش فولور
– 02 كوات + 03 زور كبار + 02 زور صغار
– 04 دراوات 05 بياس + 03 سامبل ( للضياف)
– ريدوات على حساب الشنابر + ريدو الصالون بالكاش
– 04 بساطات سامبل
– زربية خفيفة تع الشمبرة نوعية بيلجيك + زربية كبيرة من النوعية الجيدة للصالون + ديسون دلي + كاربات للدوش و الكوزينة
– لي ناب على حساب واش راح يكون في الطوابل
– البشاكر 06 سامبل +06 تع الترك + 03 سامبل للرجلين حاشاكم + صورتي دوبان ليك و آخر لراجلك
05- الذهب : على حساب مقدور كل وحدة لكن نقلكم واش تدي العروس لي تقدر في عنابة:
– المحزمة لازمة و على حساب مقدور كل وحدة و اللي ما تقدرش دير وحدة بلاكيأور ولا فضة
– الكوليي+ سنسلة خفيفة تع الدوم + سلسلة طويلة شوية و الي عندها دير كرافاش بولحية + خيط الجوهر أو السخاب
– ليبوكل طوال للأعراس و صغار تع الدوم
– خواتم على حساب المقدور + لي يشريلك راجلك
– مقياس ولا بقاط هو لي يجيبهولك + مسايس أو خليخلات اليد أو مسيبعات و الي عندها ديرهم كامل القعدة
– تاج قليل لي ديرو
– خلخال لي باباها عندو دراهم القعدة

06- الموبل: أنعم يا لبنات حنا في عنابة نخرجو لي موبل في جهازنا

– صالون أو لي كانابي على حساب الدار و على حساب المقدور
– طابل باص للصالون
– بيبليوتاك أو بايي أو ليفينغ
– بورت شوسور
– بورت مونطو
– مرايا كبيرة …………….. المهم ما نجيو نزوجو يالسيف القعدة

07- الإلكترو ميناجي: هو يشري فريجيدار و كويزنيار و العروسة تشري
– ماشين أ لافي
– سشوار
-ليسور
– باتور
-ميكروأوند
– براون
-حديد معاه طابلة تاعو……

ضف إلى ذلك مصاريف العرس و الهدايا و التخمام و الفايدة في الهناء و انتظرو مني نزيد نحكيلكم على الأعراس في عنابة

يعيطـك الصحة ختي القعدة
ربي يهنيكم يا لعدرآت القعدة
ربي يزين سعدكم ان شاء الله القعدةالقعدة القعدة

السلام عليك
يعطيك الصحة
عندي سؤال واش تشرط العروسة نهار يبغوا يحنوا ليها ؟
يعطيك الصحة يال فحلة

لوكان تزيديلنا لكوسميتيك و لكادوات اللي تديهم لبيت لعريس

ومرسييييييي

rabbi yhanik khti lwahda tadi 9ad ma9dourha w matkatarch hwayaj bazaf mieux
السلام عليكم و رحمة الله و بركاته
شكرا يا بنات على التفاعل نتاعكم و باش نرد على الأسئلة بالنسبة للشرط الخاص بالعروس العنابية

1- الحنة أو العطية نقولولها في عنابة و العروس تشرط المقياس أو البقاط، يتراوح سعره بين 13 إلى 25 مليون أو أكثر على حسب المقدور نتع الزوج.
2- الصوف: نظرا لأن العادات في عنابة أن يكون كاين مطارح الصوف في المنزل 04 على الأقل إذا العريس يشري الصوف و يجيبو مغسول للمرأة و معاه حاجة ذهب أو دراهم أو عشاء ببساطة إذا كان ماعندوش
3- الدراهم: و في عنابة الدراهم مقسومين بين المهر و دراهم الفاليزا يعني الكسوة نتاع المرأة و الحد الساعة يشرطو بين 06 إلى 10 ملاين دراهم بما فيهم الفاليزا و المهر
4- عشاء الحنة يعني نهار الي دير فيه العروسة تصديرة نتاعها يجيبلها زوجها العشاء للناس الي تعرضهم هي لكن يبقى رمزي يعني يجيبو: كبش + ديسير+ قضية رمزية و الباقي يكملوه فاملت العروسة
بالإظافة إلى الهدايا و الأعياد و الخواتم

يالنسبة للسؤال الخاص بالكوسميتيك و الهدايا تفظلي أختي بالرد:

* الكوسميتيك:
– العطور 02 بارفينات ماركة مليحة (YVE ROCHER, GIVENCHY , FRANCK OLIVIER, CHANEL) المهم ماركة مليحة+ بارفان أنتيم يعني خاص بالمناطق الحساسة+ 01 كوفري عادي
– الديودورون 04 على الأقل يكونو من ماركة مليحة حسب ذوقك
– الشومبوان 04 على الأقل باش ما تشريش من نهار الأول هاذ الحوايج+ 02 خاص بالرجال لزوجك باش تقعد فيه رائحة تعجبك أنتي
– جال دوش 04 أنا ننصحك بالمركة بالموليف لأنها هي الي ريحتها مليحة و الطول المدة باش تروح و يبقى ذوقك أحسن
– صابون ليكيد لليد
– صابون عادي إشري على الأقل 04 باكيات لأنك قادرة تمدي منهم لوكان يجيك كاش واحد ضيف و ما درتيش حسابو
– جال أنتيم لغسل المناطق الحساسة ننصحك بالمركة صافورال إشري على الأقل 02 تحتاجيه ينظف و تتفاداي المكروبات
– ماسك للشعر 02 يكفيوك ننصحك بالمركة frectus de garnier أو gliss
– كريمة مرطبة 02 على الأقل تحتاجيهم لجسمك أو لليدين و الوجه ننصحك بالماركة nivea soft/ snonas/ dermoviva
– لانجات إشري تحتاجيهم على الأقل 04 علب تحتاجيهم صدقيني
– حليب ترطيب الجسم أو فازلين عبوة كبيرة 01 على الأقل
– تالك يترك رائحة طيبة في الجسم من ماركة enchanteur و كاين من نفس الماركة منتوجات رائعة
– ماسك للوجه الي موالفة تستخدميه
– لام جوتابل يمكن تحتاجيها + كريمة الحلاقة
– الماكياج: فوندتان، فاراجو، بوات فارأبوبيار، ريسيل، أيلينر، كريون نوار + أزرق + أخضر، قلوس غوجلافر. اللمهم لوازم المكياج المعروفة و أدواته و ما تكتريش باش تجي مليحة
– علبة لتخبئة الماكياج
– زيت للشعر أو سيروم
– أبريشومبوان 02 يكفيوك
– فيرني + ديسولفون
– 02 علب قطن تحتاجيها + كوتونتيج لتنظيف الأذن + باكي نتاع بابي مشوار يدير 200 دج و فيه 20
و هكذا تقدري تحلي حانوت تع الكوسميتيك ……….. أمزح….. نتمنا يا لبنات نقعدو ديما نعدلو رواحنا لأزواجنا و ماشي يجي نهار و نكرهو لازم لازم

السلام عليك
مشكورة حبيبتي
بالنسبة للهدايا:
– الأم: قماش مليح من نوعية الكمخة أو قشور الحوت على حساب عمرها + ريحة عادية أو صابونة
– الأخوات و نساء الأخوات : قماش كتان عادي جدا + ديودو ران و إذا كانو صغار خيمارات + صابونة
– الإخوة الرجال: بشكيرة + ديودورون و نفس الشيء لأزواج البنات اخوات الزوج
– الأب: زربية نتاع الصلاة + ريحة أو مصحف
– الخلات و العمات: خيمارات و صابونات
و ديري حسابك الأشهر الأولى من الزواج لوكان يجيك كاش واحد للدار تمديلو حاجة لوكان صابونة لذلك الصابون اشري بالزايد و إذا لقيتي خيمارات سعر منخفض اشري و خبي تحتاجي تمديهم
مرسي أختي ربي يخلييييك

ربي يهنيك ان شاء الله

مرسي على الافادة

رأي واحد حول “تجهيزات العروس العنابية”

  1. اختي يعيشك جاوبي عليا انا من عنابة و حبيت نعرف وش يجيبولي مع الصوف هو شراها مغسولة و خايرت معاه مناقش ذهب حابة نعرف كان معاهم حوايج اخرى يجيبهم ولا لا مثلا عشا ولا حاجة خاطر اهلي محسوسين بزااف كلش عندنا بالكار ومانحبش يكون كاين نقص يعلقو عليه و شكرا

    رد

أضف تعليق

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.